تابيعاتتى ايالاۋعا شاقىردى

قورشاعان ورتاعا تونگەن قاتەردى ايقىن كورسەتۋ ارقىلى ادامداردىڭ الەۋمەتتىك جاۋاپكەرشىلىگىن ارتتىرۋدى كوزدەگەن جوبا «تازا بولسا تابيعات, تازا بولار ادامزات» ۇرانىن العا ۇس­تاعان. بەلگىلى وتاندىق سۋرەتشىلەر نەل­لي بۋبە, مۇحيت جانە رۋسلان اقا­ناەۆتار, ساۋلە سۇلەيمەنوۆا, ءجا­ميلا تاكەن, شاتتىق باتان, الماس نۇر­عوجاەۆ, نۇربولات اسقار, كاميلا بايا­نوۆا, راۆيل نارەگەەۆ, تەمىرالى نا­جى­مەدەنوۆتەردىڭ قالامىنان تۋعان شى­عارمالار تاقىرىپتى اشا تۇسكەن. سۋرەتتەر سەرياسى 30-دان استام تۋىندىدان تۇرادى, وعان ءارتۇرلى تاسىلدەردى ۇشتاستىرىپ, قولدانىستا بولعان قاي­تالاما ماتەريالداردان جاسالعان جۇ­مىستار كىرگەن.

– كورمە اياسىندا قالا تۇرعىندارى مەن قوناقتارى ءبىزدىڭ شەبەرلەردىڭ كارتينالارى ارقىلى قازاقستاننىڭ كورىكتى تابيعاتىن تاماشالاي الادى. سونداي-اق قورشاعان ورتانى قورعاۋ وتكىر ماسەلە ەكەنىنە نازار اۋدارا­دى. ءارتۇرلى كوركەمدىك تەحنيكانى قول­دانا وتىرىپ, قايتالاما ماتەريالداردان جاسالعان جۇمىستاردىڭ بول­عانى قۋانتادى. بۇل شىعارماشىل جاستار ءۇشىن ۇلكەن ونەگە. كورمەگە سات­تىلىك تىلەيمىن جانە جۇمىستى ۇي­دەن شىقپاي-اق ەكسپوزيتسيانى ونلاين تا­ماشالاي الاتىنىن ايتقىم كەلە­دى, – دەيدى «قازاقستاننىڭ ەكولوگيا­لىق ۇيىمدارىنىڭ قاۋىم­داستىعى» زتب پرەزيديۋمىنىڭ ءتور­ايىمى ءاليا نازارباەۆا.

تۇجىرىمداماعا سايكەس كورمە ەكى بولىمنەن تۇرادى. ءبىرىنشى ءبولىم اۆ­تورلاردىڭ شىعارماشىلىق مىن­دەت­تەرىن ايقىنداپ تۇرعانداي. مۇندا ەلى­مىزدىڭ تۇمسا تابيعاتىن كورسەتەتىن كوركەم تۋىندىلار قامتىل­عان. ەكس­پو­­زيتسيانىڭ ەكىنشى ءبولى­مى قور­شا­عان ورتانى لاستانۋدان قور­عاۋ قا­جەتتى­لىگى تۋرالى سۇراق­تار تۋ­­عى­زادى. كور­مە اينالاعا ۇقىپ­تى­­­­لىق­پەن قاراۋعا, سونداي-اق قايتا­لا­ما شيكىزاتتى قايتا وڭدەۋگە بەيستان­دارت­تىق, شى­عارماشىلىق تۇرعىدان كەلۋگە شا­قىرادى.

«جالپى, كوپتەگەن تۇتىنۋشى قو­قىس­تى دۇرىس تاستاسا دا, قورشا­عان ورتا تىم كوپ مولشەردەگى قالدىق­تار­مەن لاستانۋدا. وكىنىشكە قاراي, ادام­دار قالدىقتاردىڭ مولشەرى مەن قۇرامى, ىدىراۋ قابىلەتى تۋرالى قا­تە تۇسىنىكتەرگە بايلانىستى قو­قىس ماسەلەسىن جاۋاپكەرشىلىكپەن قابىل­دامايدى. قازاقستاننىڭ ەكولوگيالىق ۇيىمدارى قاۋىمداستىعىمەن بىرگە ءبىز بۇل ماسەلەنى كەشەندى تاسىلدە, سو­نىڭ ىشىندە حاباردارلىقتى ارتتى­رۋ شارالارىن قولدانا وتىرىپ شە­شە­مىز. «StopMusor» جوباسى اياسىندا اتقا­رىلىپ جاتقان بارلىق بەلسەندىلىك قو­عام نازارىن قوقىستى دۇرىس كادەگە جا­راتۋعا اۋدارادى دەپ ۇمىتتەنەمىن. سو­نىڭ ىشىندە قوقىستى پايدالانۋمەن ورىندالعان ونەر تۋىندىلارىنا ار­نالعان بۇگىنگى كورمە دە بار», – دەپ اتاپ ءوتتى قازاقستان مەن ورتالىق ازيا ەلدەرىندەگى فيليپ مور­ريس ينتەر­نەشنل كومپانياسىنىڭ ديرەكتورى حۋان كارلوس ەسكوبار.

مادەنيەت جانە سپورت ءمينيسترىنىڭ كەڭەسشىسى ەرلان جۇرىنباەۆتىڭ پىكى­رىنشە, «StopMusor» سياقتى الەۋمەتتىك جوبالارعا ونەر وكىلدەرىن تارتۋ وتە ماڭىزدى. كورمە كوپشىلىككە ەلدە جانە الەمدە بار ەكولوگيالىق ماسەلەلەر تۋرالى اقپاراتتىق تۇسىنىك بەرەدى. مۇنداعى ونەر – زياتكەرلىك جانە ءبىلىم بەرۋ كوپىرى. سەبەبى كەلۋشىلەردىڭ تۇي­سىگى كورمەدەن كەيىن وزگەرۋى مۇمكىن.

الماتى