باتىس قازاقستان وبلىسى قاراتوبە اۋدانىندا 3 جاسار بالا كوروناۆيرۋس جۇقتىردى, دەپ حابارلايدى Egemen.kz وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءباسپاسوز قىزمەتىنە سىلتەمە جاساپ.
"بالاعا وپەراتسيا جاسالماي تۇرىپ, ودان COVID-19 ۆيرۋسىنىڭ بار-جوعىن ءبىلۋ ءۇشىن پتر-تەست الىندى. تەست وڭ ناتيجەسى وڭ بولىپ شىقتى. ول بالاباقشاداعى كەزەكشى توپقا بارعان. قازىر مەكتەپكە دەيىنگى ءبىلىم بەرۋ مەكەمەسى كارانتينگە جابىلدى. بالاباقشاداعى بارلىق تاربيەشى مەن بالالار COVID-19 ۆيرۋسىنىڭ بار-جوعىنا تەست تاپسىردى. ونىڭ ناتيجەسى ازىرگە شىققان جوق. بالاباقشا عيماراتىندا دەزينفەكتسيا جۇمىستارى جۇرگىزىلىپ جاتىر", دەلىنگەن حابارلامادا.
ەسكە سالا كەتەيىك, بقو-دا كوروناۆيرۋس جۇقتىرعاندار سانى 7050-گە جەتتى, 121 ادام قايتىس بولدى, 6 846 ناۋقاس جازىلىپ شىقتى.