الماتىداعى مەدەۋ اۋدانى تۇرعىندارىنىڭ ماسەلەسى قالاي شەشىلەدى؟

الدىمەنن ەسكە سالا كەتۋ كەرەك, بۇعان دەيىن تاۋ بوكتەرىندەگى تۇرعىندار كوشكىن قاۋپىنەن قورقىپ, الماتى قالاسىنىڭ اكىمى ب.ساعىنتاەۆتان كومەك سۇراعان ەدى. ونىڭ تاپسىرماسى بويىنشا قاراجات ءبولىندى جانە بەتكەيلەردى نىعايتۋعا مۇمكىندىك بەرەتىن گابيون قۇرىلىمدارىنىڭ قۇرىلىسى جۇزەگە استى. سونىمەن قاتار, جاڭبىر سۋلارىن اعىزاتىن ارىقتار جاسالۋدا.

ماسەلەن, "دۋمان" ىقشاماۋدانىندا 18,5 شاقىرىم سۋمەن جابدىقتاۋ جانە 26 شاقىرىم سۋ بۇرۋ جەلىلەرىنىڭ قۇرىلىسى اياقتالىپ كەلەدى. قوعامدىق كولىك باعىتتارى وتەتىن 6 كوشەدە – حان ءتاڭىرى, قازىعۇرت, قارقارالى, اقمەشىت, بوراباي, بولاشاقتا 3,7 شاقىرىم جولدا كۇردەلى جوندەۋ جۇمىستارى باستالدى.

قالا اكىمى ب.ساعىنتاەۆ ءوزىنىڭ Instagram-داعى پاراقشاسىندا حابارلاعانداي, بۇل جۇمىستى قاراشا ايىندا اياقتاۋ جوپارلانعان.

"كەلەسى جىلى قالعان 53 كوشەنىڭ جولدارىن جوندەيمىز. سونداي-اق «مۇزتاۋ» ىقشاماۋدانىندا ينجەنەرلىك جەلىلەردى سالۋعا بايلانىستى قازىلعان جول جابىنىن تەز ارادا قالپىنا كەلتىرۋدى تاپسىردىم. بۋتاكوۆكا شاتقالىنا اپاراتىن جولدىڭ ۇزىندىعى 4,6 كم. بۇل جول تۋريستىك باعىتتاردىڭ قاتارىنا كىرەدى", دەپ جازدى ب. ساعىنتاەۆ.

تاعى ءبىر ماسەلەنىڭ شەشىمى جاۋىن-شاشىن سالدارىنان كوشكىننىڭ ءجۇرۋى ىقتيمال «كومپوت» دەپ اتالاتىن ءماسسيۆتىڭ تۇرعىندارىن قورعاۋعا مۇمكىندىك بەردى. كوككيناكي كوشەسىندەگى قاۋىپتى ايماقتا 42 ءۇي بولعان. بيىل جىلدىڭ سوڭىنا دەيىن جالپى ۇزىندىعى 350 شاقىرىم بولاتىن بەتكەيلەردى نىعايتۋ جوسپارلانعان. المالىق كوشەسى بويىنداعى ەڭىستى نىعايتىپ, ارىق جۇيەسىن ورناتۋ جۇمىستارى اياقتالدى, مۇنداعى قاۋىپتى ايماقتا 60 ءۇي بولدى.

الماتى