توكيودا 2021 جىلعى وليمپيادا جانە پاراليمپيادا ويىندارىنداعى الاۋ ەستافەتاسىندا قولدانىلاتىن قۇتىلار كورمەسى اشىلدى دەپ جازادى Olympic.kz.
اتالعان كورمە الداعى سەگىز اي ىشىندە جاپونيا استاناسىنداعى 62 اۋداندى ارالايدى. بۇل جەرگىلىكتى تۇرعىنداردىڭ وليمپيادا قارساڭىنداعى دايىندىعىن ارتتىرۋ ءۇشىن جاسالاتىن قادام بولماق. وليمپيادا الاۋىنىڭ ەستافەتاسى 2021 جىلدىڭ 25 ناۋرىزىندا فۋكۋسيما پرەفەكتۋراسىندا باستالادى. ەستافەتا 121 كۇنگە سوزىلادى.
ايتا كەتەلىك, توكيوداعى وليمپيادا ويىندارى 2020 جىلدىڭ 24 شىلدەسى مەن 9 تامىزى ارالىعىندا ءوتۋى ءتيىس بولاتىن. الايدا, كوروناۆيرۋس ىندەتىنە بايلانىستى تورتجىلدىق دوداسى 2021 جىلدىڭ 23 شىلدەسى مەن 8 تامىزى ارالىعىنا اۋىستىرىلدى.