لوندونداعى قازاق سۋرەتشىلەرىنىڭ كورمەسى

ماسەلەن, ەربوسىن مەلدىبە­كوۆتىڭ «ترانسفورمەر» اتتى ارت-ينستاللياتسياسى وزبەكستانداعى شاعىن ساياباق تۋرالى سىر شەر­تەدى. ءبىر قىزىعى, سوڭعى 100 جىل ىشىندە ول جەردەگى ەسكەرت­كىش 9 رەت وزگەرگەن. جاڭا يدەولوگيا قابىلدانعان سايىن مونۋمەنت تە جاڭا كەيىپكە ەنىپ وتىرعان. بريتاندىق ساراپ­شىلار قازاق­ستاندىق سۋرەت­شىنىڭ بۇل تۋىندىسىن ومىر­لىك ماڭىزى زور دۇنيە دەپ باعا­لايدى. ويتكەنى وسى جازدا ان­گليانىڭ وڭتۇستىك-باتىسىندا ورنالاسقان بريستول قالاسىندا دا وسىعان ۇقساس جاعداي تىركەلدى. XVII عاسىردا قۇل ساۋداسىمەن اينالىسىپ, داۋلەتكە كەنەلگەن ەدۆارد كولستوننىڭ ەسكەرتكىشىن ناسىلشىلدىككە جانە زورلىق-زومبىلىققا قارسى «قارالاردىڭ ءومىرى ماڭىزدى» قوزعالىسىنىڭ بەلسەندىلەرى تۇعىرىنان قۇلاتتى.

Cromwell place كوركەمونەر گالەرەياسىنىڭ باسقارۋشى ديرەكتورى پرەستون بەنسوننىڭ پىكىرىنشە, «ترانسفورمەر» كورمەدەگى ۇزدىك تۋىندىلاردىڭ ءبىرى. ونىڭ پايىمداۋىنشا, قازىر باتىس قوعامىندا دا ءدال وسىنداي جاعداي, ال شەتەل كورەرمەنى وسىنداي دۇنيەلەرگە سۋساپ ءجۇر. كوپ جاعدايدا ولار قازاقستاندىق تالانتتى سۋرەتشىلەر جايلى جانە ءبىتىمى بولەك ونەر تۋىندى­لارى تۋرالى بىلە بەرمەيدى. سوندىقتان ورتالىق ازيانىڭ باي تاريحى مەن مادەنيەتى جايلى كوپشىلىك حاباردار بولۋى كەرەك.

الماگۇل مەڭلىباەۆا مەن ەربوسىن مەلدىبەكوۆ لوندوندا COVID-19 ينفەكتسياسى ەكىنشى تولقىنىنىڭ باستالۋىنا بايلانىستى كورمەنىڭ اشىلۋىنا كەلە المادى. مۇندا سۋرەتشىلەردى الماتىلىق «اسپان» گالەرەياسى تانىستىردى. قازاقستاندا ولار 14-كە جۋىق ورتاازيالىق سۋرەت­شىنىڭ قاتىسۋىمەن جىلىنا بىرنەشە رەت كورمە ۇيىمداس­تىرىپ كەلەدى. بۇدان بىلاي Cromwell place گالەرەياسىنىڭ مۇ­شەسى رەتىندە «اسپان» گالەرەيا­سى ۇلىبريتانيا استاناسىندا جىلىنا ءتورت رەت وتاندىق شىعار­ماشىلىق وكىل­دەرىنىڭ ونەر­لەرىن كوپشىلىك نازارىنا ۇسىنباق.

«اسپان» گالەرەياسىنىڭ ديرەكتورى مەرۋەرت قاليەۆانىڭ ايتۋىنشا, شەتەلدە ءبىزدىڭ اۆتور­لارعا دەگەن سۇرانىس جوعارى. ەربوسىن مەلدىبەكوۆ جانە الماگۇل مەڭلىباەۆا سياقتى سۋ­رەت­­­شىلەردىڭ تۋىندىلارى الەم­­­دىك مۇراجايلاردىڭ تورىندە تۇر. ولاردىڭ ەڭبەكتەرىن لوندون كو­­رەر­­مەنىنە ۇسىنۋداعى باستى ماقسات  – الەمنىڭ تۇكپىر-تۇكپىرىنەن كەلەتىن كوللەكتسيونەرلەر مەن مۇراجاي كۋراتورلارىنا قازاق ونەرىن پاش ەتۋ.

ماسەلەن, «لەنين شىڭى» دەپ اتالاتىن كادىمگى اس ۇيدە پايدالانىلاتىن توستاقاننان جاسالعان ونەر تۋىندىسى تاجىكستان مەن قىرعىزستان ەلدەرىنىڭ شەكاراسىندا ورنالاسقان تاۋ تۋرالى سىر شەرتەدى. ونىڭ قۇنى 15 مىڭ ەۋرو جانە ءتورت نۇسقاسىنىڭ ۇشەۋى ساتىلىپ كەتكەن. ساتىپ الۋشىلار اراسىندا گونكونگتەگى زاماناۋي ونەر مۇراجايى دا بار.

قاراپايىم كورەرمەندەر دە قا­زاقستاندىق اۆتورلاردىڭ ونەر­لەرىنە ءتانتى. ولار لوندون تورىندە ۇيىمداستىرىلعان كور­مە­دەن ەرەكشە اسەر العان­دارىن جاسىرمايدى.

عالىمجان قارامان ۇلى,

ارنايى «Egemen Qazaqstan» گازەتى ءۇشىن

ۇلىبريتانيا