ەلوردادا كەزەكتە تۇرعان حالىقتىڭ الەۋمەتتىك ءالسىز توبىنا جاتاتىن 530 ادام جىل سوڭىنا دەيىن جەڭىلدىكپەن بەرىلەتىن تۇرعىن ۇيگە قول جەتكىزەدى, دەپ حابارلايدى Egemen.kz.
"جىل سوڭىنا دەيىن بىرقاتار قولجەتىمدى الەۋمەتتىك تۇرعىن ءۇي سالامىز. قالانى ارالاۋ بارىسىندا جەڭىلدىكپەن بەرىلەتىن ۇيلەردىڭ قۇرىلىس بارىسىمەن تانىستىم. كوپپاتەرلى تۇرعىن ءۇي كەشەندەرى قالانىڭ ءارتۇرلى اۋداندارىندا ورنالاسقان.
ماسەلەن, رىسكەلدى قاجى (سارىارقا اۋدانى) مەشىتى جانىندا ورنالاسقان تۇرعىن ءۇيدى جىل سوڭىنا دەيىن تاپسىرامىز. مۇندا كەزەكتە تۇرعان 530 ادام پاتەر الادى. ولار حالىقتىڭ الەۋمەتتىك ءالسىز توبىنا جاتادى.
سونىمەن قاتار, الماتى اۋدانى (مەتروعا جاقىن) مەن جاعالاۋ اۋدانىنداعى تۇرعىن ۇيلەردىڭ قۇرىلىس بارىسىمەن تانىستىم. پاتەرلەردىڭ جالپى سانى 2 مىڭنان اسادى. ولار كەزەكتە تۇرعاندارعا, تۇرعىن ءۇي قۇرىلىس جيناق بانكىنىڭ سالىمشىلارىنا, شاڭىراق "5-10-20" تۇرعىن ءۇي باعدارلاماسىنىڭ قاتىسۋشىلارىنا بەرىلەدى.
جۇرگىزىلىپ جاتقان جۇمىستاردىڭ ساپاسىنا ەرەكشە نازار اۋدارا وتىرىپ, قۇرىلىس قارقىنىن ارتتىرۋدى تاپسىردىم", دەپ جازدى التاي كولگىنوۆ Instagram پاراقشاسىنا.