30 قازاندا ساعات 11.40-تا ەلوردالىق ءورت ءسوندىرۋ قىزمەتىنىڭ 101 پۋلتىنە نۇر-سۇلتان قالاسى شۇبار شاعىن اۋدانىندا تەمىرقازىق كوشەسى بويىنداعى ەكى قاباتتى كوتتەدجدىڭ شاتىرى جانە وعان جاپسارلاس ۋاقىتشا سالىنعان قۇرىلىس جانىپ جاتقانى تۋرالى حابارلاما ءتۇستى. بۇل تۋرالى قر تجم رەسمي وكىلى تالعات ءۋالي حابارلادى.
ءورت ورنىنا ساعات 11.47-دە نۇر-سۇلتان قالاسى تجد كۇشتەرى مەن قۇرالدارى كەلىپ جەتتى. ءورتتىڭ الدىن الا كولەمى 150 شارشى مەتردى قۇرادى. قازا بولعاندار مەن زارداپ شەككەندەر جوق. ءورتتىڭ شىعۋ سەبەپتەرى انىقتالۋدا.
ءورت ساعات 12:10-دا وقشاۋلاندى, ساعات 13.24-تە ءسوندىرىلدى. ءورتتى سوندىرۋگە نۇر-سۇلتان قالاسى تجد, اپاتتار مەديتسيناسى ورتالىعىنان, جەدەل-جاردەم بريگاداسىنان, پوليتسيا دەپارتامەنتىنەن 34 قىزمەتكەر مەن 9 بىرلىك تەحنيكا جۇمىلدىرىلدى.