الماتىدا Kaspi.kz بولىمشەسىنە شابۋىل جاسادى دەپ كۇدىككە ىلىنگەندەر ۇستالدى. بۇل تۋرنالى الماتى قالالىق پد ءباسپاسوز قىزمەتى حابارلادى.
الماتى پد قىلمىستىق پوليتسيا باسقارماسىنىڭ مالىمەتىنشە, شابۋىل جاسادى دەگەن كۇدىكپەن 1985, 1986 جانە 1992 جىلى تۋعان ءۇش ەر ادام ۇستالدى.
"كۇدىكتىلەر - س. جانە ۋ. ەسىمدى ازاماتتاردى الماتىدا قالالىق قىلمىستىق پوليتسيا جەدەل ۋاكىلدەرى ۇستادى. وسى وقيعاعا قاتىسى بار ءۇشىنشى ادامدى جاڭا عانا ورالدا باتىس قازاقستان وبلىسىنىڭ پد قىزمەتكەرلەرى ۇستادى. زاتتاي دالەلدەر - ۇرلانعان قاراجات تاركىلەنىپ, قىلمىستىق ءىس ماتەريالدارىنا تىركەلدى, بۇل ءىس بويىنشا المالى اۋداندىق پوليتسيا ءبولىمى قر قىلمىستىق كودەكسىنىڭ 192-بابى 3-ءبولىمى بويىنشا تەرگەۋ جۇرگىزىپ جاتىر", - دەدى پوليتسياداعىلار.