سوڭعى كەزدەرى ينتەرنەت الاياقتار الەۋمەتتىك جەلىلەردە, سونىڭ ىشىندە Telegram, Facebook, Instagram-دا بەلسەندى بولىپ, جالعان بوتتار جاساۋ ارقىلى قولدانۋشىلارمەن حات الماسىپ, ولاردىڭ سەنىمىنە كىرەدى, دەپ حابارلايدى Egemen.kz.
قىزىلوردا قالالىق پوليتسيا باسقارماسىنىڭ قىزمەتكەرلەرى جوعارى تەحنولوگيالار سالاسىنداعى قىلمىستاردىڭ الدىن الۋ, اشۋ, سونىمەن قاتار كيبەرقىلمىستارعا قاتىسى بار ادامداردى انىقتاۋ ماقساتىندا جەدەل جۇمىستار جۇرگىزۋدە.
پوليتسيا قىزمەتكەرلەرىنە الەۋمەتتىك جەلىلەردە الاياقتاردى انىقتاۋ وڭاي ەمەس. بۇل وتە مۇقيات, كۇردەلى جانە كوپ قىرلى جۇمىس.
"Hi-tech" جەدەل-پروفيلاكتيكالىق ءىس-شارا اياسىندا قالالىق پوليتسيا باسقارماسىنىڭ قىزمەتكەرلەرى ننتەرنەت - الاياقتى ۇستادى. ول WhatsApp مەسسەندجەرىندە Life Styler چاتىن اشىپ, اقشاڭدى كوبەيتەمىن دەپ وبلىس ورتالىعىنىڭ 54 جاستاعى تۇرعىنىن الداعان.
جەدەل-ىزدەستىرۋ ءىس-شارالارىنىڭ ناتيجەسىندە پوليتسيا قىزمەتكەرلەرى 36 جاستاعى كۇدىكتىنى ۇستادى.
قازىرگى تاڭدا قازاقستان رەسپۋبليكاسى قىلمىستىق كودەكسىنىڭ 190-بابى 2-بولىگىنىڭ 4-تارماعى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە.