تۇركىستان وبلىسىنىڭ پوليتسەيلەرى براكونەردەن بورسىق تاركىلەدى, – دەپ حابارلايدى Egemen.kz Polisia.kz سايتىنا سىلتەمە جاساپ.
“براكونەر” جەدەل-الدىن الۋ ءىس-شاراسى اياسىندا تۇركىستان وبلىسىنىڭ پد تابيعات قورعاۋ پوليتسياسىنىڭ ينسپەكتورلارى جابايى جانۋارلاردى زاڭسىز اۋلاۋ فاكتىسىن انىقتادى. اتاپ ايتقاندا وتكىزىلگەن رەيدتەر كەزىندە بايدىبەك اپب پوليتسەيلەرى العاباس كەنتىنىڭ ماڭىندا بورسىق اۋلاعان شىمكەنت قالاسىنىڭ تۇرعىنىن ۇستادى.
ءتارتىپ ساقشىلارى براكونەردەن بورسىقتى الىپ, ءمان-جايدى انىقتاۋ ءۇشىن ازاماتتى پوليتسيا بولىمىنە جەتكىزدى. قۇقىق بۇزۋشىعا قاتىستى پوليتسەيلەر قر اقبتك-ءنىڭ 382-بابى 1-بولىگى (جانۋارلار دۇنيەسىن پايدالانۋ تالاپتارىن جانە اڭ اۋلاۋ قاعيدالارىن بۇزۋ) بويىنشا اكىمشىلىك حاتتاما تولتىردى. شىمكەنت قالاسىنىڭ تۇرعىنىنا 10 ايلىق ەسەپتىك كورسەتكىش كولەمىندە اكىمشىلىك ايىپپۇل سالىندى.
ەستەرىڭىزگە سالا كەتەيىك, رەسپۋبليكا اۋماعىندا تابيعاتتى قورعاۋ زاڭناماسى سالاسىنداعى قىلمىستار مەن قۇقىق بۇزۋشىلىقتاردى, ونىڭ ىشىندە براكونەرلىكتى, بيولوگيالىق رەسۋرستار وبەكتىلەرى مەن ونىمدەرىنىڭ زاڭسىز اينالىمىن انىقتاۋعا جانە ەكولوگيالىق قىلمىستاردى اشۋعا باعىتتالعان “براكونەر” جەدەل-الدىن الۋ ءىس-شاراسى وتكىزىلۋدە. اتالعان جەدەل-الدىن الۋ ءىس-شاراسى 2020 جىلدىڭ 11 قاراشاسىنا دەيىن جالعاسادى.