"سق-فارماتسيا" قويمالارىندا كوروناۆيرۋستان ەمدەيتىن قورداعى ءدارىنىڭ 12 ءتۇرى جوق, دەپ حابارلايدى Egemen.kz
"استانا − ادالدىق الاڭى" جوباسىنىڭ جەتەكشىسى ميراس شەكەنوۆ: "26 قازاندا "استانا − ادالدىق الاڭى" جوباسى اياسىندا ەلوردالىق انتيكور قىزمەتى, تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى, قالالىق اكىمدىك, "فارماتسەۆتيكا قىزمەتىن قولداۋ جانە دامىتۋ قاۋىمداستىعى" زتب فيليالىنىڭ ماماندارى "سق-فارماتسيا" جشس قويمالارىنداعى قورى تەكسەرىلگەن.
قازىر 8,2 ميلليارد تەڭگە تۇراتىن ءدارىنىڭ 44 ءتۇرىن ساتىپ الۋ پروتسەسى ءجۇرىپ جاتىر. بۇل اي ىشىندە 60 مىڭ ناۋقاستى ەمدەۋگە كومەكتەسەدى. "سق-فارماتسيانىڭ" مالىمەتىنشە, قوردا 44 ءتۇرلى ءدارى بولۋ كەرەك.
"مونيتورينگ توبى قويمادا ءدارىنىڭ 32 ءتۇرى ساقتالعانىن انىقتادى. قوردا بولۋى ءتيىس 12 پوزيتسيا جوق, ال بەس ءتۇرلى ءدارىنى جەتكىزۋدىڭ شارتى مۇلدەم جوق. "سق-فارماتسيا" وكىلى ا.ساليەۆتىڭ ايتۋىنشا قوردا بولۋى ءتيىس دارىلىك زات وسى جىلدىڭ 20 قاراشاسىنا دەيىن جەتكىزىلۋى كەرەك", دەدى شەكەنوۆ.