شىمكەنتتە "قازىعۇرت" مادەنيەت ءۇيى قايتا جاندانادى

مادەنيەت ءۇيى 1988 جىلى سالىنعان. "قازىعۇرت" وندىرىستىك كووپەراتيۆىنىڭ مەنشىگىندە. بۇگىندە نىساندى قالالىق مادەنيەت ۇيىنە قاراستى "قازىعۇرت" مادەنيەت ءۇيى (كىتاپحانا) جالعا الىپ وتىر.   وندا قازىر ءۇش ادام جۇمىس جاسايدى. اۋماعى 1130 شارشى مەتر نىساندا جوندەۋ جۇمىستارى سوڭعى رەت 1998 جىلى جۇرگىزىلگەن. بۇگىندە جىلىتۋ جۇيەلەرى ىستەن شىققان. تۇرعىندار كوپتەن بەرى مادەنيەت ءۇيىن مەملەكەت مەنشىگىنە الۋ ماسەلەسىن كوتەرۋدە.    قالا اكىمى نىساندى مەملەكەت تەڭگەرىمىنە الىپ, جوندەۋ جۇمىستارى جۇرگىزىلەتىنىن اتاپ ءوتتى. ابدەن توزىعى جەتكەن, 350 ورىندىق مادەنيەت ءۇيى قايتا جوندەۋدەن ءوتىپ, اتالعان ماسەلە جوسپارعا ساي شەشىمىن تاپپاق.