Astana Open تۋرنيرىندە تيموفەي سكاتوۆ فين ەميل رۋسۋۆۋوريمەن وينادى, دەپ حابارلايدى Egemen.kz
سكاتوۆ نەگىزگى كەستەگە ۇيىمداستىرۋشىلاردان العان ۋايلد-كارد ارقاسىندا ەنگەن بولاتىن. ال رۋسۋۆۋوري 1/16 فينالعا شىعۋ ءۇشىن ەكى ىرىكتەۋ تۋرنيرىندەگى ءبىرىنشى كەزدەسۋىندە اۆستراليالىق مارك پەرسەللانى, ەكىنشى كەزدەسۋدە سەرب ۆيكتور ترويتسكيدى جەڭگەن.
ءبىرىنشى سەت ەميل ءرۋسۋۆۋوريدىڭ ەنشىسىنە جازىلدى, ول پارتيادا ەكى برەيك جاسادى, ال كورت يەسى قارسىلاسىنىڭ دوپ بەرۋىن ءبىر مارتە قايتارا الدى. ونىڭ وزىندە فين سپورتشىسى گەيمدە ەكى بىردەي قاتەلىككە جول بەرگەن بولاتىن. ەكىنشى سەتتە تيموفەي سكاتوۆ ويىن تىزگىنىن ءوز قولىنا الۋعا تىرىسقان, الايدا قارسىلاسى قولداعى مۇمكىندىكتى تولىعىمەن پايدالانىپ جەڭىسكە جەتتى: 6:2, 6:0.
– تۋرنيردە شەبەرلىگىمدى شىڭداۋعا مۇمكىندىك بەرىپ, ۋايلد-كارد ۇسىنعان فەدەراتسياعا العىسىم شەكسىز. العاشقى قادامىم ءساتسىز بولدى, مۇمكىن جۇيكەم سىر بەرگەن بولار. وكىنشىكە وراي ۇزدىك ويىن كورسەتە المادىم. كەي تۇستا اياعىم بايلانعانداي جىلدام قيمىلدامادىم, كەي تۇستا تەز ويلاپ شەشىپ قابىلداۋعا شامام جەتپەدى. مەن مۇندا بىرنەشە كۇن بولدىم, ۇزدىك تەننيسشىلەرمەن بىرگە جاتتىقتىم. ۇيرەگەنىم از ەمەس. سوندىقتان كەلەسى جولى جاقسى ويىن كورسەتەمىن دەپ ويلايمىن, – دەدى ماتچتان كەيىن تيموفەي سكاتوۆ.
قازاقستاندىق الەكساندر نەدوۆەسوۆ پەن اندرەي گولۋبەۆ تارتىستى وتكەن كەزدەسۋدە جۇپتىق رازريادتىڭ شيرەكفينالىنا ءوتۋ مۇمكىندىگىن ۋىستان شىعارىپ الدى. 1/8 فينالدا ولارعا اۆستراليادان كەلگەن ليۋك سەۆيلل مەن ماكس پەرسەلل جۇبى قارسى شىققان ەدى. ولار تۋرنير رەيتينگىندە ەكىنشى تۇر. قازاقستاندىقتار ءار ماتچ ءۇشىن بارىن سالدى.
ەكى جۇپتا ادەمى ويىن ورنەگىن كورسەتتى, بىراق اۆتراليالىق تەننيسشىلەردىڭ شەبەرلىگى ءبىر ساتى جوعارى بولعانداي. شيرەكفينالعا ليۋك سەۆيلل مەن ماكس پەرسەلل ءوتتى. قورىتىندى ەسەپ: 6:4, 6:4. الەكساندر نەدوۆەسوۆ پەن ماكس پەرسەلل وسى ءتۋرنيردىڭ جەكەلەي سىنىندا دا ويناعان, بىراق ەكۋى دە ىرىكتەۋ تۋرنيرىنەن اسا المادى. چەحيادان كەلگەن الەمنىڭ 66-راكەتكاسى يرجي ۆەسەل بۇگىن الەمنىڭ 48-راكەتكاسى امەريكاندىق تەننيس ساندرگەندى 6:4, 7:6 ەسەبىمەن تىزە بۇكتىردى.
اسلان كاراتسەۆ پەن اندرەاسا سەپپي اراسىنداعى باسەكە ءتۋرنيردىڭ ۋايلد-كاردىنا يەلىك ەتكەن سەپپيدىڭ جەڭىسىمەن اياقتالدى - 6:3,1:6,6:3.