بىشكەك مەرى مىندەتىن اتقارۋشى ءۇش اپتادا التىنشى رەت اۋىستى, دەپ حابارلايدى Egemen.kz
قىرعىزستاننىڭ ىستىقكول وبلىسىنىڭ ەكس-گۋبەرناتورى بالباق تۋلوباەۆ جاڭا قالا باسشىسى بولادى. بۇعان دەيىن ناريمان تولەەۆ وسى قىزمەتتەن كەتەتىنىن مالىمدەگەن ەدى.
"جاڭا عانا مەر مىندەتىن اتقارۋشى بالباق تۋلوباەۆپەن كەلىسسوز جۇرگىزدىم, بۇل شىنىمەن دە بىشكەك قالاسى مەرياسى ءۇشىن جاقسى نۇسقا", دەپ جازدى بۇرىنعى بىشكەك مەرىنىڭ مىندەتىن اتقارۋشى.
دەرەككوز مالىمەتىنشە, بۇل سوڭعى ءۇش اپتادا بىشكەك مەرى مىندەتىن اتقارۋشىنىڭ التىنشى رەت اۋىسۋى. وسى قىزمەتتى ەكى جىلداي اتقارعان ازيز سۋراكماتوۆ 6 قازانداعى جاپپاي تارتىپسىزدىككە بايلانىستى وتستاۆكاعا كەتۋ تۋرالى ءوتىنىش جازدى. كەيىن ونىڭ مىندەتىن "حالىق مەرى" جووشبەك كوەناليەۆ اتقاردى. سودان كەيىن 7 قازاندا اكىم قايتادان اۋىستىرىلدى, اكىمنىڭ مىندەتتەرى ءبىرىنشى ۆيتسە-مەرى الماز باكەتاەۆقا ءوتتى.