وتكەن اپتادا "جايساڭ" جانە "الىمبەت" بەكەتتەرى ارقىلى رەسەي فەدەراتسياسىنان كولىكپەن وتكەندەر اراسىندا كوروناۆيرۋس ىندەتى تىركەلگەن. تەك قازان ايىنىڭ ىشىندە عانا مارتوك اۋدانىنداعى جايساڭ وتكىزۋ بەكەتىنەن وتكەن 3700 جولاۋشى تىركەلسە, سولاردىڭ اراسىنان دەنە قىزۋى جوعارى بولعان 1190 ادام كارانتيندىك ستاتسيونارلارعا جاتقىزىلدى.
وسى ازاماتتاردىڭ اراسىنان 7 جولاۋشىدان كوروناۆيرۋس ىندەتى انىقتالعان. ايتا كەتۋ كەرەك, تەك قازان ايىنىڭ ىشىندە "جايساڭ" بەكەتى ارقىلى رەسەي فەدەراتسياسىنان ءارلى-بەرلى 9 مىڭ ادام وتكەن.
شەتەلدەردەن اۋە قاتىناسى ارقىلى كەلگەندەردەن ازىرگە اۋرۋ انىقتالعان جوق. دەگەنمەن, دارىگەرلەر كوروناۆيرۋس ىندەتىنىڭ رەسەيدەن كەلىپ-كەتىپ جاتقانداردان شىعا باستاعانىنا الاڭداۋشىلىق بىلدىرەدى. ىندەت جۇقتىرعانداردىڭ كوبەيۋىن بولدىرماۋ ماقساتىندا قازىر وڭىردە 152 ءموبيلدى توپ جاساقتالىپ, ەمحانالار مەن اۋرۋحانالار 6 جىلجىمالى كەشەننە يە بولدى.
اقتوبە قالاسى مەن اۋداندىق اۋرۋحانالارعا جاڭا رەنتگەن قوندىرعىلارى ورناتىلىپ, 117 وكپەنى جاساندى جەلدەتۋ جابدىقتارى الىندى. ەندى تاعى دا وسىنداي 30 اپپارات اكەلىنبەكشى.
قازىرگى ۋاقىتتا وبلىستا 32 ءموبيلدى توپ كۇندىز-ءتۇنى رەيدكە شىعىپ ءجۇر. ولار وسى كۇنگە دەيىن 1210 زاڭبۇزۋشىلىقتى انىقتاپ, حاتتاما تولتىردى. مۇنىڭ ىشىندە كارانتين ەرەجەلەرىن بۇزعان 807 ادام اكىمشىلىك جازاعا تارتىلىپ, ولارعا 101,2 ملن تەڭگە ايىپپۇل سالىندى.