قىزىلوردا وبلىسىندا ازىق-ت ۇلىك باعاسىنىڭ رەتسىز قىمباتتاپ كەتپەۋى جەرگىلىكتى بيلىكتىڭ نازارىندا تۇر. وبلىستىق اۋىلشارۋاشىلىق باسقارماسى مەن «بايقوڭىر» الەۋمەتتىك-كاسىپكەرلىك كورپوراتسياسى» اق تاراپىنان الەۋمەتتىك ماڭىزى بار ازىق-ت ۇلىك ونىمدەرىنىڭ قورىنا مونيتورينگ جاسالىپ, باعانى تۇراقتاندىرۋ شارالارى جۇيەلى تۇردە ىسكە اسىرىلىپ وتىر.
قالا جانە اۋدان اكىمدىكتەرىنىڭ بەرگەن مالىمەتىنە سايكەس, وسى كۇنى وڭىردە 10 مىڭ توننا ءونىم قورى بار. وسى جىلدىڭ قاڭتار-قىركۇيەك ايلارىندا وبلىس بويىنشا 94,4 ملرد تەڭگەنىڭ ءونىمى ءوندىرىلىپ, وتكەن جىلمەن سالىستىرعاندا ءوسىم ەداۋىر ارتتى. جالپى سوماسى 35,4 ملرد تەڭگەگە جەتكەن تاماق ونىمدەرىن وڭدەۋ سالاسىندا دا كورسەتكىش وتكەن جىلدىڭ وسى كەزەڭىمەن سالىستىرعاندا ءبىراز ىلگەرىلەگەن.
ايماق تۇرعىندارىن ازىق-ت ۇلىكپەن جەتكىلىكتى قامتاماسىز ەتۋ ماقساتىندا وبلىس بويىنشا الەۋمەتتىك ماڭىزى بار ونىمدەر قورىنا مونيتورينگ جاسالىپ وتىرادى.
جاسالعان مونيتورينگ مالىمەتىنشە, وڭىردە وسى كۇنى 1303,3 توننا ءبىرىنشى سورتتى ۇن, 385,3 توننا كۇرىش, 114,7 توننا ماكارون مەن 692,1 توننا كارتوپ, 499 توننا پياز, 200 توننا ءسابىز, 12,5 توننا وسىمدىك مايى بار. سيىر جانە تاۋىق ەتى, قاراقۇمىق جارماسى, قانت, ءسۇت, جۇمىرتقادان دا تاپشىلىق بايقالمايدى.
بۇل ونىمدەر وبلىس ورتالىعىندا ورنالاسقان 29 الەۋمەتتىك دۇكەن, 2 الەۋمەتتىك ماركەت پەن «وپتوماركەت قىزىلوردا», «ال-اساد», «اجار», «ميراس», «انۆار» ساۋدا ۇيلەرىندەگى الەۋمەتتىك سورەلەر ارقىلى ساتىلۋدا. وندا كارتوپ پەن ءسابىز – 100, نان – 55, قىرىققابات – 60, پياز – 70, ءبىرىنشى سورتتى ۇن – 127, سيىر ەتى – 1600, تاۋىق ەتى – 790, ال جۇمىرتقا – 24 تەڭگەدەن ساتىلۋى ءتيىس. باسقا ونىمدەردىڭ دە باعاسى بەلگىلەنگەن.
ءبىر-ەكى الەۋمەتتىك دۇكەندى ارالاپ شىقتىق. بەلگىلەنگەن باعادان اسىرىپ ساتقانداردى كەزدەستىرمەدىك, بازار نارقىنان تومەن بولعاسىن مۇندا الۋشى دا كوپ ەكەن. وبلىستىق بيۋدجەتتەن تاعى وسىنداي 5 الەۋمەتتىك دۇكەننىڭ قۇرىلىسىنا قاراجات ءبولىنىپتى. وبلىستىق تۇراقتاندىرۋ قورىن تولتىرۋعا جىل باسىنان بەرى جەرگىلىكتى بيۋدجەتتەن 834,9 ملن تەڭگە ءبولىنىپ, وعان 4,1 مىڭ توننا ءونىم ساتىپ الىنعان.
سونىمەن قاتار 19 ءتۇرلى الەۋمەتتىك ماڭىزى بار ازىق-ت ۇلىك تاۋارلارى باعاسىن تۇراقتاندىرۋ ماقساتىندا بەكىتىلگەن كەستەگە 26 قىركۇيەكتەن باستاپ اپتا سايىن وبلىس ورتالىعىندا اۋىل شارۋاشىلىعى ونىمدەرىنىڭ جارمەڭكەسى وتكىزىلۋدە. ايعا جۋىق ۋاقىت ىشىندە وسى جارمەڭكەلەردە جالپى قۇنى 399,1 ملن تەڭگە بولاتىن 2465 توننا ءونىم ساۋدالاندى.
بۇدان بولەك قالا كۇنى مەرەكەسى اياسىندا وبلىس ورتالىعىنداعى الەۋمەتتىك جاعىنان از قامتىلعان 700 وتباسىنا قاجەتتى ازىق-ت ۇلىك جەتكىزىلدى.
قىزىلوردا