كوروناۆيرۋستىڭ سيمپتومسىز ءتۇرىن تاسىمالداۋشىلار سانى كوبەيۋىنىڭ سەبەبى

مامانداردىڭ ايتۋىنشا, كوروناۆيرۋستىڭ سيمپتومسىز ءتۇرىن تاسىمالداۋشىلار سانىنىڭ ءوسۋى حالىقتىڭ كۇشتى يممۋنيتەتىمەن ەمەس, ينفەكتسياعا توزىمدىلىگىمەن بايلانىستى بولۋى مۇمكىن.

بۇل تۋبەركۋلەز, تىرىسقاق جانە باسقا ينفەكتسيالار كەزىندە بايقالعان. ال كوروناۆيرۋسقا توزىمدىلىگى بار پاتسيەنتتەردىڭ جاعدايلارىن بەيجىڭدەگى قىتاي جالپى اۋرۋحاناسىنىڭ وكپە مەديتسيناسى جانە رەانيماتسيا كوللەدجىنىڭ ماماندارى انىقتاعان.

سانكت-پەتەربۋرگ پوليتەحنيكالىق ۋنيۆەرسيتەتىنىڭ بيومەديتسينالىق جۇيەلەر جانە بيوتەحنولوگيالار ينستيتۋتى ديرەكتورىنىڭ مىندەتىن اتقارۋشى پەتر ۇلى اندرەي ءۆاسيننىڭ ايتۋىنشا, پاتوگەنمەن كەزدەسكەندە اعزا ونىڭ سالدارىن مۇمكىندىگىنشە تەز جويۋعا تىرىسادى. بۇل جاعدايدا ەكى جول بولۋى مۇمكىن, ولاردىڭ بىرەۋى پاتوگەننىڭ وزىنەن تەز جانە ءتيىمدى قۇتىلۋدى, ال ەكىنشىسى ينفەكتسيادان تۋىنداعان زاقىمداردى ازايتۋدى بىلدىرەدى.

"ەكىنشى جاعدايدا ولار اۋرۋعا توزىمدىلىك قالىپتاسقانىن بىلدىرەدى", دەدى ۆاسين.