الماتىدا بەلگىسىز بىرەۋلەر ءدامحانانىڭ الدىندا جاياۋ جۇرگىنشىلەرگە وتشاشۋ ۇيىمداستىرعان, دەپ حابارلايدى Egemen.kz
وقيعا ورنىندا تۇسىرىلگەن كادرلار جەلىدە تاراپ, قولدانۋشىلاردىڭ اراسىندا قىزۋ پىكىرتالاسقا ۇلاستى. جينالعانداردىڭ ءبىرى وتشاشۋدى ماقۇلداسا, ەكىنشى ءبىرى نارازىلىعىن ءبىلدىرىپ وتىر.
اتالعان جايت بويىنشا قالالىق پوليتسيا دەپارتامەنتىنىڭ وكىلدەرى وتشاشۋ ۇيىمداستىرۋشىلارىنىڭ جەكە باسىن انىقتاپ جاتىر.
"المالى اۋداندىق پوليتسيا باسقارماسىنىڭ قىزمەتكەرلەرى اتالعان ماتەريالدى وندىرىسكە قابىلدادى. قازىر ورناتۋ جانە تەكسەرۋ شارالارى جۇرگىزىلۋدە. پوليتسەيلەر وتشاشۋ ۇيىمداستىرۋشىلارىن انىقتاپ, ولاردى مىندەتتى تۇردە جاۋاپكەرشىلىككە تارتادى. الدىن الا مالىمەتتەر بويىنشا, بۇل جەردە اكىمشىلىك زاڭنامانىڭ بىرقاتار نورماسىن, جول قوزعالىسى ەرەجەلەرى مەن تىنىشتىقتى بۇزۋ تۋرالى دايەكتەر انىقتالدى", دەيدى دەپارتامەنتتىڭ رەسمي سالتانات ازىربەك.