سولتۇستىك قازاقستان وبلىسىنىڭ تۇرعىندارى جوعارعى پاتوگەندى قۇس تۇماۋىنان ولگەن قۇستارى ءۇشىن وتەماقى رەتىندە 75 ملن تەڭگەگە جۋىق قارجى الدى, دەپ حابارلايدى قر اشم ءباسپاسوز قىزمەتى
ەسكە سالساق, قازاقستاندا جوعارى پاتوگەندى قۇس تۇماۋىنان ەلىمىزدىڭ 7 وبلىسىندا, ياعني اقمولا, شىعىس قازاقستان, جامبىل, قاراعاندى, قوستاناي, پاۆلودار جانە سولتۇستىك قازاقستان وبلىستارىندا قۇستاردىڭ ءولىمى تىركەلگەن بولاتىن. ەڭ كوپ قاناتتىلاردىڭ ءولىمى سقو-دا بايقالدى.
قازىرگى ۋاقىتتا جەكە اۋلالاردا قۇستاردىڭ ءولىمى تولىق توقتادى دەپ ايتۋعا بولادى. سوڭعى 2 اپتادا جەكە قوسالقى اۋلالاردا جاڭا جاعدايلار تىركەلگەن جوق.
جالپى, كارانتيندى, دەزينفەكتسيالاۋدى, ۆاكتسيناتسيانى جەدەل ەنگىزۋدىڭ, سونداي-اق ولگەن جانە اۋرۋ قۇستارمەن بايلانىستا بولعان قۇستاردى جويۋدىڭ ارقاسىندا اۋرۋدىڭ تارالۋى توقتاتىلدى. قازىر رەسپۋبليكا بويىنشا ىندەتتەن ولگەن قۇستاردى جويۋ شارالارى جالعاسۋدا, قۇس يەلەرىنە وتەماقى تولەنىپ جاتىر.
جەكە قوسالقى شارۋاشىلىقتاردا جوعارعى پاتوگەندى قۇس تۇماۋىنىڭ سالدارىنان 26 547 باس, ءۇش قۇس فابريكاسىندا – 860 306 باس («بەسكول قۇس فابريكاسى» جشس, «اگروينتەرپتيتسا», «ادەل-كۋس») ءولدى.
وسىلايشا, ولگەن جانە جويىلعان قۇستىڭ ۇلەسى قازاقستانداعى قۇستاردىڭ جالپى سانىنىڭ 1,8%-ىنان اسپايدى. ايتا كەتسەك, ەلىمىز بويىنشا 46,7 ملن. قۇس تىركەلگەن.
«ۆەتەريناريا سالاسىنداعى نورماتيۆتىك قۇقىقتىق اكتىلەردى بەكىتۋ تۋرالى» قر اۋىل شارۋاشىلىعى ءمينيسترىنىڭ 2014 جىلعى 30 قازانداعى № 7-1/559 بۇيرىعىنا سايكەس وبلىس اكىمدىكتەرىنە 2020 جىلعى 7 قازاندا وتەماقى الۋ ءۇشىن قۇس وسىرۋشىلەرگە قۇجاتتار پاكەتىن قالىپتاستىرۋ ءۇشىن كومەك كورسەتۋ قاجەتتىلىگى تۋرالى حاتتار جىبەرىلدى.
بۇگىندە قر اشم ۆەتەريناريالىق باقىلاۋ جانە قاداعالاۋ كوميتەتىنىڭ «رەسپۋبليكالىق ەپيزووتياعا قارسى وترياد» رمم-ءسى 28 864 باس قۇس ءۇشىن 113 ملن تەڭگەدەن استام قاراجات تولەدى. ال, سولتۇستىك قازاقستان وبلىسىنىڭ تۇرعىندارىنا 15 693 باس قۇس ءۇشىن 74,5 ملن تەڭگەدەن استام قارجى تولەندى. بۇل قۇس تۇماۋىنان ولگەن قۇستار ءۇشىن ارنالعان بارلىق وتەماقى تولەمدەرىنىڭ 73%-نا جۋىعىن قۇرايدى.
ايتا كەتۋ كەرەك, قازىرگى ۋاقىتتا وندىرىستە 1 817 باس قۇس ءۇشىن تولەم قۇجاتتارى بار. قۇجاتتاردىڭ تۇسۋىنە قاراي وتەماقىلاردى اۋدارۋ جۇمىسى جالعاساتىن بولادى.
رەسمي تىركەۋسىز جانە كوميسسيالىق اكتىلەر جاسالماي قۇس تۇماۋىنان ولگەن قاناتتىلاردىڭ ولەكسەسى جويىلعان جاعدايدا وتەماقى تولەنبەيتىنىن اتاپ وتكەن ءجون. وتەماقى تولەمدەرىن الۋ ءتارتىبى تۋرالى قر اۋىل شارۋاشىلىعى مينيسترلىگى قۇس يەلەرىنە وزىنىڭ رەسمي سايتى جانە بۇقارالىق اقپارات قۇرالدارى ارقىلى اعىمداعى جىلدىڭ 17 قىركۇيەگىندە حابارلاعان بولاتىن.
بۇعان دەيىن حابارلانعانداي, قر اشم ۆەتەريناريالىق باقىلاۋ جانە قاداعالاۋ كوميتەتى قۇستاردى ۆاكتسيناتسيالاۋعا 7,7 ملن دوزا ۆاكتسينا, ونىڭ ىشىندە اقپان ايىندا ۆەتەرينارلىق ءىس-شارالار جوسپارى بويىنشا قۇس تۇماۋىنا قارسى ۆاكتسيناتسيالاۋعا 3,3 ملن دوزا بولىنگەن.
ۆاكتسيناتسيالاۋ جوعارعى پاتوگەندى قۇس تۇماۋى تىركەلگەن وشاقتاردا, قر-نىڭ بىرقاتار شەكارالاس وبلىستارىنىڭ اۋداندارىنداعى قۇس شارۋاشىلىقتارىندا, قۇس فابريكالارىنىڭ اينالاسىندا 20 كم راديۋستا جانە قونىس اۋداراتىن جابايى قۇستاردىڭ باعىتى بويىنشا جۇرگىزىلدى.
4 تامىزدا رەسەي فەدەراتسياسىندا قۇس تۇماۋىنىڭ جوعارى پاتوگەندى ۆيرۋسىنىڭ ورشۋىنە بايلانىستى قر اشم ۆەتەريناريالىق باقىلاۋ جانە قاداعالاۋ كوميتەتى چەليابى وبلىسىنان, ال 26 تامىزدا ومبى وبلىسىنان ءتىرى قۇستاردى, قۇس شارۋاشىلىعى ونىمدەرىن جانە ىلەسپە تاۋارلاردى الىپ كەلۋگە جانە ولاردىڭ ترانزيتىنە شەكتەۋ ەنگىزدى.
قر اشم قۇس تۇماۋىنىڭ قوزدىرعىشى قازاقستان اۋماعىنا سولتۇستىكتەن وڭتۇستىككە قونىس اۋداراتىن جابايى قۇستار ارقىلى كەلگەنىن اتاپ ءوتتى.
2020 جىلدىڭ قىركۇيەگىندە جوعارى پاتوگەندى قۇس تۇماۋى الەمنىڭ 26 ەلىندە انىقتالدى (بارلىعى 459 وشاق). رەسەي فەدەراتسياسىندا 1,5 ميلليوننان استام قۇس قىرىلدى.