فرانتسيا مەن گرەكيادا كومەنداتتىق ساعات ەنگىزىلدى

ەلدىڭ ۇكىمەت باسشىسى جان كاستەكس ىندەتتىڭ  جىلدام تارالۋىن توقتاتۋ ماقساتىندا ەلدىڭ تاعى ونداعان اۋدانىندا كومەندانتتىق ساعات تۇنگى ۋاقىتتا دەيىن ۇزارتىلاتىنىن مالىمدەدى.

فرانتسيادا كوروناۆيرۋسقا شالدىعۋدىڭ رەكوردتىق, ياعني  41 622 جاڭا وقيعاسى تىركەلدى. كومەندانتتىق ساعات جۇما كۇننەن باستاپ ەنگىزىلەدى جانە ول ساعات 21:00-دەن تاڭعى 06:00-گە دەيىن سوزىلادى. بۇل 46 ميلليونعا جۋىق ادامعا قاتىستى قولداناتىن شارا بولماق. سوڭعى تاۋلىكتە ۆيرۋستان تاعى 162 ادام كوز جۇمعان.

سونداي-اق گرەكيانىڭ پرەمەر-ءمينيسترى كيرياكوس ميتسوتاكيس 24 قازاننان باستاپ COVID-19 قاۋىپتى ۆيرۋسىنا قارسى ءىس-ارەكەتتەر قولدانۋ ماقساتىندا جاڭا كارانتين شەكتەۋلەرى ەنگىزىلەتىنىن حابارلادى.

سەنبى, 24 قازان كۇنگى تاڭعى ساعات 6-دان باستاپ ەلدە ماسكا تاعۋ رەجىمى ەنگىزىلەدى. ەندى تۇرعىندار ماسكانى تەك عيمارات ىشىندە عانا ەمەس, كوشەلەردە كيۋگە مىندەتتى بولادى.

بۇدان باسقا, ەپيدەميالىق جاعدايى كۇردەلى ايماقتاردا كومەندانتتىق ساعات ەنگىزىلەدى. ول تۇنگى ساعات 00:30-دان تاڭعى 5:00-گە دەيىن سوزىلادى. سوڭعى دەرەكتەرگە سايكەس گرەكيادا COVID-19 ۆيرۋسىنا شالدىعۋدىڭ 28 216 وقيعاسى راستالىپ, كوروناۆيرۋس ينفەكتسياسىنان 549 ادام قايتىس بولدى.