ازىق-ت ۇلىك باعاسىنا الاڭداۋعا نەگىز جوق. كەيبىر تاۋار تۇرلەرى ءىشىنارا ءسال قىمباتتاعانىمەن, نەگىزگى ازىق-ت ۇلىك قولجەتىمدى. باعانى تۇراقتاندىرۋ قورى دا قاۋىرت جۇمىس ىستەپ, قاپىسىز قامدانۋدا.
الەۋمەتتىك ماڭىزى بار ازىق-ت ۇلىك باعاسىن تۇراقتاندىرۋ تەتىگى ءبىرشاما جولعا قويىلعان. قازىر «كوكشە» الەۋمەتتىك-كاسىپكەرلىك كورپوراتسياسى ارقىلى تۇراقتاندىرۋ قورىنا ازىق-ت ۇلىك ساتىپ الىنۋدا. بۇگىندە ءوڭىردىڭ تۇراقتاندىرۋ قورىندا 1 600 توننادان اسا ازىق-ت ۇلىك بار. بىلتىر وسى ماقساتقا وبلىستىق بيۋدجەتتەن 317,5 ملن تەڭگە بولىنسە, بيىل بۇل كورسەتكىش 750 ملن تەڭگەگە جەتىپ وتىر.
ازىق-ت ۇلىك باعاسىن باقىلاۋ ماقساتىندا كۇندەلىكتى مونيتورينگ جۇرگىزىلەدى. باعانىڭ تۇراقتى بولۋىنا جەرگىلىكتى جەردە ءجيى وتكىزىلەتىن جارمەڭكەلەر دە سەپتىگىن تيگىزۋدە. ماسەلەن, جىل باسىنان بەرى اۋىل شارۋاشىلىعى تاۋارلارىن وندىرۋشىلەر 200-گە جۋىق جارمەڭكە وتكىزدى. قۇنى بازار باعاسىنان الدەقايدا تومەن ازىق-ت ۇلىكتىڭ ساتىلۋى قاراپايىم حالىق ءۇشىن جاقسى بولىپ تۇر. ەرتەڭىن ەرتە ويلايتىن ەل ءۇشىن قىسقا قامدانۋدىڭ ءتيىمدى جولى دا وسى. ايتپاقشى, وسى جارمەڭكەلەردە 440 ملن تەڭگەنىڭ ءونىمى ساتىلدى.
– باعانى تۇراقتاندىرۋدىڭ تاعى ءبىر تەتىگى جۇزەگە اسىرىلۋدا. كاسىپكەرلىك سۋبەكتىسىنە بەلگىلى ءبىر كەزەڭدە باعانى تۇراقتى ۇستاپ تۇرۋ مىندەتتەمەسى جۇكتەلگەن. نەسيە بەرۋ بۇل باعىتتاعى جۇمىستىڭ جۇيەلى بولۋىنا يگى اسەرىن تيگىزەدى. سونىمەن قاتار اۋدان اكىمدىكتەرىمەن, جەكەلەگەن كاسىپورىندارمەن بىرلەسە وتىرىپ بىلتىردان بەرى وسى باعىتتا جۇيەلى جۇمىس جۇرگىزىپ كەلەمىز. ايتالىق, نان ءوندىرۋشى «اقساي نان-كوكشەتاۋ» نان كومبيناتى سەرىكتەستىگىمەن جاسالعان ۋاعدالاستىق بار. سەرىكتەستىك 300-دەن اسا ساۋدا نۇكتەسىندە حالىق كوپ تۇتىناتىن نان ءتۇرىن 75 تەڭگەدەن ساتۋدا. مىنە, وسىنداي جۇمىستاردى بارلىق اۋداندا قولعا الىپ جاتىرمىز, – دەيدى وبلىستىق كاسىپكەرلىك جانە ونەركاسىپ باسقارماسى باسشىسىنىڭ ورىنباسارى جاسۇلان ءابدىراحمانوۆ.
باعانى تۇراقتاندىرۋعا قاتىستى كاسىپورىندارمەن 1 مىڭنان اسا مەموراندۋم جاسالعان. وڭىردەگى باعانىڭ تۇراقتىلىعىنا وسى كەلىسىم وڭ ىقپال ەتۋدە.
جىل باسىنان بەرى ءبىرىنشى سۇرىپتى ۇن, قانت, قاراقۇمىق جارماسى, كارتوپ, سيىر ەتى, تۇز, سارى ماي ءتارىزدى تاۋارلاردىڭ باعاسى ءبىرشاما كوتەرىلدى. ونىڭ باستى سەبەبى جوعارىدا اتالعان كەيبىر ونىمدەردىڭ ءبىزدىڭ وڭىردە وندىرىلمەۋىنەن. دەگەنمەن استىقتى ولكەدە ۇن, كارتوپ, سيىر ەتى, سارى ماي باعاسىن تۇراقتى ۇستاپ تۇرۋعا ابدەن بولار ەدى. سوڭعى ۋاقىتتا قۇس تۇماۋىنا بايلانىستى جۇمىرتقانىڭ باعاسى دا ءسال-ءپال كوتەرىلىپ كەلەدى.
كوڭىل دەمدەر ءبىر جايت, الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن ۇدايى قاتاڭ باقىلاۋدا ۇستاعاندىقتان ساۋداگەرلەردىڭ تابەتى ونشالىقتى ءوسىپ تۇرعان جوق. الەۋمەتتىك ماڭىزى بار ازىق-ت ۇلىك باعالارىن تۇراقتاندىرۋ تەتىكتەرىن ىسكە اسىرۋدى قامتاماسىز ەتۋ جونىندەگى كوميسسيانىڭ ۇسىنىسى بويىنشا «كوكشە» الەۋمەتتىك-كاسىپكەرلىك كورپوراتسياسى 2 293 توننا ازىق-ت ۇلىك ءونىمىن ساتىپ العان. دەمەك ەل ىرىسى كەمىمەيدى دەگەن ءسوز.
اقمولا وبلىسى