نۇر-سۇلتان قالالىق ىشكى ساياسات باسقارماسىنىڭ قولداۋىمەن "رۋحاني جاعىرۋ" جوبالىق كەڭسەسى جانە "استانا دارىنى" دارىندىلىقتى دامىتۋ جانە پسيحولوگيالىق قولداۋ ورتالىعى "رۋحاني جاعىرۋ: سانانىڭ اشىقتىعى" اتتى وقىتۋ سەمينارىن وتكىزدى, دەپ حابارلايدى Egemen.kz.
ءبىر اپتا بويى كوللەدج پسيحولوگتارىنا ارنالعان وقىتۋ سەمينارى وتكىزىلدى. شارا قازىرگى كەزدە جاسوسپىرىمدەر اراسىندا وزەكتى تاقىرىپتاردىڭ ءبىرى سانالاتىن ءسۋيتسيدتىڭ الدىن-الۋ جونىندەگى عىلىمي-ادىستەمەلىك تاجىريبەگە نەگىزدەلدى. سونداي-اق ترەنينگ بارىسىندا پسيحولوگتاردىڭ بىلىكتىلىگىن ارتتىرۋ ماقساتىندا سەمينارلار, دوڭگەلەك ۇستەلدەر مەن پراكتيكالىق ترەنينگتەر وتكىزۋگە ادىستەمەلىك ۇسىنىستار زەردەلەندى.
ەلوردالىق ماماندارعا ارنالعان ترەنينگتى حالىقارالىق دەڭگەيدەگى تاجىريبەلى كاسىبي پسيحولوگتار وتكىزدى.
"قازىرگى ۋاقىتتا پاندەمياعا بايلانىستى بارلىق وتباسى مۇشەلەرى ۇيدە ءبىر ۋاقىتتا, ياعني ءبىر كەڭىستىكتە بولادى. سوندىقتان جاسوسپىرىمدەر اراسىندا عانا ەمەس, ەرەسەكتەر اراسىندا دا سترەسس پايدا بولادى. ترەنەرلەر گەرماندىق "سترەسستىك ءوپتيميزمدى باسقارۋ" باعدارلاماسى بويىنشا اقپارات بەردى. "رۋحاني جاڭعىرۋ" جوبالىق كەڭسەسىنىڭ جانە "استانا دارىنى" دارىندىلىقتى دامىتۋ جانە پسيحولوگيالىق قولداۋ ورتالىعىنىڭ قولداۋىمەن ەلوردا پسيحولوگتارى ءۇشىن 72 ساعاتتىق وقىتۋ سەمينارى وتكىزىلدى. جالپى, بۇل "رۋحاني جاعىرۋ" اياسىندا جۇزەگە اسىرىلىپ جاتقان حالىقارالىق اۋقىمدى جوبا", دەدى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى پەداگوگيكا عىلىمدارىنىڭ دوكتورى ايكۇمىس وماربەكوۆا.
بۇدان بىلاي دايىندالعان پسيحولوگتار ءار سەمينار-ترەنينگتە العان بىلىمدەرىن كەڭىنەن قولدانا باستايدى.