2020 جىلدىڭ 1 قازانىنا قاراستى مىندەتتى زەينەتاقى جارنالارىن ەسەپكە الۋ بويىنشا جەكە زەينەتاقى شوتتارىنىڭ جالپى سانى 10,8 ميلليونعا جەتتى. بۇل تۋرالى "بجزق" اق-نىڭ رەسمي تەلەگرام ارناسى حابارلادى.
مىندەتتى زەينەتاقى جارنالارىن ەسەپكە الۋ جونىندەگى جەكە زەينەتاقى شوتى العاشقى جارنا تۇسكەن كەزدە اۆتوماتتى تۇردە اشىلادى.
مىندەتتى كاسىپتىك زەينەتاقى جارنالارىن ەسەپكە الۋ بويىنشا شوت اشۋ ءۇشىن بجزق بولىمشەسىنە كەلۋ قاجەت, ال ءوز پايداسىنا ەرىكتى زەينەتاقى جارنالارىن ەسەپكە الۋ بويىنشا شوتتى بولىمشەدە دە, ەتسق كومەگىمەن قوردىڭ سايتىندا دا ونلاين اشۋعا بولادى.