"Qazsport" تەلەارناسى ATP 250 "Astana Open" ءتۋرنيرىن تىكەلەي ەفيردە كورسەتەدى, دەپ حابارلايدى Egemen.kz تەلەارنانىڭ ءباسپاسوز قىزمەتىنە سىلتەمە جاساپ.
اتر 250 سەرياسى اياسىنداعى مۇنداي حالىقارالىق تۋرنير قازاقستاندا العاش رەت وتەدى. 25 قازان مەن 1 قاراشا ارالىعىندا "داۋلەت" ۇلتتىق تەننيس ورتالىعىندا 30 ەلدىڭ ۇلكەن راكەتكا شەبەرلەرىنىڭ باسى قوسىلماق. باسىم بولىگى الەمدىك رەيتينگتىڭ العاشقى جۇزدىگىنە ەنەتىن ويىنشىلار.
بەنۋا پەر, ريشار گاسكە, جيل سيمون, ادريان ماننارينو باستاعان ءبىر توپ فرانتسۋز تەننيسشىلەرى ءوز ونەرلەرىن ورتاعا سالادى. سونىمەن قاتار فەرناندو ۆەرداسكو, پابلو اندۋحار, دجون ميللمان, ميومير كەتسمانوۆيچ, فرەنسيس تيافو سياقتى ساڭلاقتار سىنعا تۇسەدى.
قازاقستاننىڭ نامىسىن الەكساندر بۋبليك, ميحايل كۋكۋشكين, دميتري پوپكو, دەنيس ەۆسەەۆ, تيموفەي سكاتوۆتار قورعايدى. جۇپتىق سايىستا اندرەي گولۋبەۆ پەن الەكساندر نەدوۆەسوۆ جانە بۋبليك-كۋكۋشكين جۇبى باق سىنايدى.
جارىستىڭ تىكەلەي ترانسلياتسيالارىن وتاندىق كورەرمەندەر "QAZSPORT" تەلەارناسىنىڭ ەفيرىنەن تاماشالاي الادى. سونداي-اق, ويىنداردى Qazsporttv.kz سايتى مەن Qazaqstan.tv موبيلدىك قوسىمشاسى ارقىلى باقىلاۋعا بولادى.