رەسەيدە كوروناۆيرۋسقا قارسى جاپپاي ۆاكتسيناتسيا قاراشانىڭ سوڭىندا باستالۋى مۇمكىن, دەپ حابارلايدى Egemen.kz
"ساپانى باقىلاۋدى ەسكەرىپ, ۆاكتسينالاردى كوپتەپ جەتكىزۋدى جوسپارلاپ وتىرعانىمىزدى ايتقىم كەلەدى. بۇل قاراشانىڭ نەمەسە جەلتوقساننىڭ سوڭعى كۇندەرى بولادى, ويتكەنى مۇندا وندىرىستىك تسيكل مەن ساپانى باقىلاۋ تولىق قامتاماسىز ەتىلۋى كەرەك", دەدى رەسەي فەدەراتسياسى دەنساۋلىق ساقتاۋ ءمينيسترى ميحايل مۋراشكو رەسەي ونەركاسىپشىلەرى مەن كاسىپكەرلەر وداعىنىڭ سەزىندە.
"روسسيا 1" تەلەارناسىنا بەرگەن سۇحباتىندا ول ۆاكتسيناتسيا ەرىكتى تۇردە جاسالاتىنىن ءتۇسىندىردى.
ء"بىز حالىقتىڭ قىزىعۋشىلىعى وتە جوعارى ەكەنىن كورىپ وتىرمىز. (...) بىرىنشىدەن, مەديتسينا قىزمەتكەرلەرى مەن تۇرعىندارمەن كوپ كەزدەسەتىن ادامدارعا بەرىلەدى", دەدى رەسەي دەنساۋلىق ساقتاۋ ءمينيسترى.
ول, سونىمەن قاتار, كوروناۆيرۋسقا قارسى ءۇشىنشى رەسەيلىك ۆاكتسينانى زەرتتەۋ ناتيجەلەرى جەلتوقسان ورتاسىنا دەيىن كۇتىلىپ وتىرعانىن ايتتى.