برازيليانىڭ دەنساۋلىق ساقتاۋ سالاسىنداعى Anvisa ۇلتتىق قاداعالاۋ اگەنتتىگى كوروناۆيرۋسقا قارسى ۇلىبريتانيالىق AstraZeneca كومپانياسى مەن وكسفورد ۋنيۆەرسيتەتى وندىرگەن ۆاكتسينا سىناقتارىنا قاتىسقان ازاماتتىڭ قايتىس بولعانىن حابارلادى, دەپ جازادى Egemen.kz
قاداعالاۋشى ورگاننىڭ مالىمدەمەسىن G1 پورتالى جاريالادى.
قۇجاتتا ەر ادامنىڭ ءولىمىنىڭ سەبەبىن "ەتيكاعا بايلانىستى" جاريا ەتىلمەدى, سونداي-اق ەرىكتى پلاتسەبو نەمەسە بەلسەندى پرەپارات قابىلداعانى تۋرالى اقپارات ايتىلماعان.
AstraZeneca كومپانياسى G1 پورتالىنا ۆاكتسينا قابىلداۋشىنىڭ ولىمىنە قاتىستى رەسمي ۇستانىمى جوق ەكەنىن جانە بۇل اقپاراتقا تۇسىنىكتەمە بەرمەيتىنىن ايتتى. ال وكسفورد ۋنيۆەرسيتەتى ۆاكتسينانىڭ قاۋىپسىز ەكەنىن ايتىپ ءوتتى.
قازىر ۆاكتسينالاردى سىناۋدىڭ حالىقارالىق قاۋىپسىزدىگىن باعالاۋ كوميتەتى وقيعاعا قاتىستى تەرگەۋ جۇرگىزىپ جاتىر.
برازيليالىق باق "حالىقارالىق زەرتتەۋگە بايلانىسى بار دەرەككوزدەرگە" سىلتەمە جاساپ, COVID-19 اسقىنۋىنان قايتىس بولعان ەرىكتى پلاتسەبو قابىلداعانىن حابارلادى.