رەسەيدەگى استراحان مەرى ميحايل ستولياروۆ ءوزىنىڭ قىزمەتىنە وتكەن جىلى عانا سايلانعان بولاتىن. ەندى ول جەر تەلىمدەرىن بەرۋگە قولۇشىن سوزعانى ءۇشىن پارا الدى دەگەن كۇدىكپەن قامالىپ وتىر.
كەشە م.ستولياروۆ تەرگەۋشىلەر مەن ارنايى باعىتتاعى جاساق جاۋىنگەرلەرىنىڭ كۇزەتىمەن ماسكەۋگە جەتكىزىلدى. ءسويتىپ, رەسەي استاناسىنداعى ۋاقىتشا وقشاۋلاعىشتاردىڭ بىرىنە توعىتىلدى. يتار-تاسس-تاعى دەرەككوزدەرى رەسمي ءتۇسىندىرۋ جاريالانعانعا دەيىن استراحان مەرىنىڭ 200 ميلليون رۋبل كولەمىندە پارا العانىن حابارلاپ ۇلگەردى. مۇنى تەڭگەگە شاقساق, 1 ميللياردتى قۇرايدى. از اقشا ەمەس, ارينە. تەرگەۋ كوميتەتى باس تەرگەۋ باسقارماسىنىڭ رەسمي وكىلى ۆلاديمير ماركيننىڭ سوزىنە قاراعاندا, م.ستولياروۆتان جاۋاپ بۇگىن الىناتىن بولادى.
شاراينا
رەسەيدەگى استراحان مەرى ميحايل ستولياروۆ ءوزىنىڭ قىزمەتىنە وتكەن جىلى عانا سايلانعان بولاتىن. ەندى ول جەر تەلىمدەرىن بەرۋگە قولۇشىن سوزعانى ءۇشىن پارا الدى دەگەن كۇدىكپەن قامالىپ وتىر.
كەشە م.ستولياروۆ تەرگەۋشىلەر مەن ارنايى باعىتتاعى جاساق جاۋىنگەرلەرىنىڭ كۇزەتىمەن ماسكەۋگە جەتكىزىلدى. ءسويتىپ, رەسەي استاناسىنداعى ۋاقىتشا وقشاۋلاعىشتاردىڭ بىرىنە توعىتىلدى. يتار-تاسس-تاعى دەرەككوزدەرى رەسمي ءتۇسىندىرۋ جاريالانعانعا دەيىن استراحان مەرىنىڭ 200 ميلليون رۋبل كولەمىندە پارا العانىن حابارلاپ ۇلگەردى. مۇنى تەڭگەگە شاقساق, 1 ميللياردتى قۇرايدى. از اقشا ەمەس, ارينە. تەرگەۋ كوميتەتى باس تەرگەۋ باسقارماسىنىڭ رەسمي وكىلى ۆلاديمير ماركيننىڭ سوزىنە قاراعاندا, م.ستولياروۆتان جاۋاپ بۇگىن الىناتىن بولادى.
اراققا تاۋەلدى مەردىڭ تاعدىرى نەشىك؟
كانادانىڭ تورونتو قالاسىنىڭ پوليتسياسى جەرگىلىكتى بۇقارالىق اقپارات قۇرالدارىنىڭ وكىلدەرىنە شاھار مەرى روب فوردتىڭ جامان اتىن شىعاراتىن 500 بەتتىك ماتەريالداردى بەرگەن. ر.فورد قالا اكىمشىلىگىن شامامەن 3 جىلداي باسقارىپ كەلە جاتقانى بەلگىلى.
وسى از عانا ۋاقىت ىشىندە قالاباسى ءوزىنىڭ ىشىمدىك پەن ەسىرتكىگە تاۋەلدىلىگىمەن اتاعى شىعىپ ۇلگەردى. ر.فورد كرەك شەگەدى, ەسىرتكى ديللەرلەرىمەن دوس جانە كولىك رولىنە ىشىمدىك ءىشىپ الىپ وتىرادى دەگەن اڭگىمە بۇعان دەيىن دە حالىق اراسىنا كەڭ تاراسا كەرەك. ەندى, بۇرىنعى جانە قازىرگى قىزمەتتەستەرىنىڭ اشىقتىعىنىڭ ارقاسىندا ونىڭ كۇنىنە 4-اق ساعات جۇمىس ىستەيتىنى, مەرياعا جوزەكشەلەردى اكەلەتىنى, ۇيىنە جارىق شامدارىن اۋىستىرۋ ءۇشىن قول استىنداعىلاردى جىبەرەتىنى بەلگىلى بولىپ وتىر. اكىمشىلىك قىزمەتكەرلەرى ر.فوردتىڭ نەگىزگى قاسىرەتى ىشىمدىككە تاۋەلدىلىگى ەكەنىن ايتادى.
اسكەري ۇشاقتارىن جاڭارتادى
كولۋمبيا اسكەري-اۋە كۇشتەرىنىڭ كوماندوۆانيەسى تاياۋداعى 3-4 جىل ىشىندە جويعىش ۇشاقتاردى جاڭارتۋ ۇدەرىسىن جۇرگىزبەك. بۇل تۋرالى ەل اسكەري-اۋە كۇشتەرى اۆياتسيا باسقارماسىنىڭ باسشىسى, بريگادا گەنەرالى كارلوس بۋەنو جاريا ەتتى.
جاڭا اسكەري ۇشاقتار بۇعان دەيىن جاڭعىرتۋدان وتكەن يزرايلدىك تەحنيكانى تولىقتىراتىن بولادى. ك.بۋەنونىڭ سوزىنە قاراعاندا, اسكەريلەر F-16, سۋ-30, ميراج-2000 نەمەسە JAS 39 Gripen جويعىش ۇشاقتارىن ساتىپ الۋ مۇمكىندىگىن قاراستىرۋ ۇستىندە كورىنەدى. بىراق ساتىپ الىناتىن ۇشاقتار سانى قانشا بولاتىنى ازىرشە بەلگىسىز. بۇل ارادا باسىمدىق بۇعان دەيىن قولدانىستا بولعان, قالدىق رەسۋرستارى ۇلكەن ۇشاقتارعا بەرىلەتىن سىڭايلى. ساتىپ الۋ ۇدەرىسى 2015 جىلى اياقتالۋى ءتيىس.
بەرگەن ۋادەسىنە بەرىك ەكەن
گرۋزيا ۇلتتىق قاۋىپسىزدىك كەڭەسىنىڭ حاتشىسى گيگا بوكەريا وسى جوعارى لاۋازىمدى قىزمەتىنەن كەتتى. ول قازان ايىنىڭ ورتاسىندا-اق ەگەر پرەزيدەنتتىك سايلاۋدا «گرۋزين ارمانى» كواليتسياسىنان ۇمىتكەر جەڭىسكە جەتەتىن بولسا, قىزمەتىنەن باس تارتاتىنىن مالىمدەگەن ەدى.
پرەزيدەنتتىك سايلاۋدا اتالعان كواليتسيادان كانديدات گەورگي مارگۆەلاشۆيليدىڭ جەڭىسكە جەتكەنى بەلگىلى. ال گ.بوكەريا قاۋىپسىزدىك كەڭەسىنىڭ باسشىسى لاۋازىمىن 2010 جىلدىڭ قاراشاسىنان بەرى, ياعني 3 جىل اتقارىپ كەلەدى. قازىردىڭ وزىندە ونى كىمنىڭ الماستىراتىنى دا بەلگىلى بولىپ وتىر. ول گرۋزياداعى جالعىز ايەل-گەنەرال, پارلامەنت كوميتەتىنىڭ ءتورايىمى يرينا يمەرليشۆيلي كورىنەدى. ونى وسى لاۋازىمعا رەسمي تۇردە بەكىتۋ پرەزيدەنتتىك يناۋگۋراتسيادان كەيىن جۇزەگە اسادى.
قاتەلەسىپ, ءوز ادامىنىڭ باسىن الدى
پرەزيدەنت باشار اسادقا قارسى «كۇرەسىپ» جۇرگەن سيريالىق ب ۇلىكشىلەر قاتەلىككە بوي الدىرۋلارى سالدارىنان وزدەرىنىڭ جاقتاستارىنىڭ باسىن كەسىپ العان. بۇل جونىندە سيرياداعى ازامات سوعىسى تۋرالى اقپارات تاراتاتىن Facebook ۇيىمى حابارلادى.
قاتەلىككە مىنا نارسە سەبەپ بولعان سياقتى: جارالى موحاممەد فارەس ب ۇلىكشىلەردىڭ گوسپيتالىنە جەتكىزىلگەن كەزدە ول شيتتەردىڭ ەكى باتىرىنىڭ اتىن ايتىپ ايعايلاسا كەرەك. ال ب ۇلىكشىلەردىڭ باسىم بولىگىن سۇننيتتەر قۇرايتىنى بەلگىلى. وسىدان كەيىن ب.اسادتىڭ جاۋلارى م.فارەس ۇكىمەت اسكەرىنىڭ جاعىنداعى ادام دەپ قاتەلەسسە كەرەك. ەندى قاتەلىك ءۇشىن ب ۇلىكشىلەردىڭ اتىنان «يراك جانە لەۆانتا يسلام مەملەكەتىنىڭ» ءباسپاسوز حاتشىسى ومار ءال-كاحاتاني كەشىرىم سۇراپ وتىر. قۇقىق قورعاۋشىلاردىڭ دەرەكتەرىنە سۇيەنسەك, سيرياداعى قارۋلى قاقتىعىستان 120 مىڭنان استام ادام قازا تاپقان.
بريتانياداعى ەڭ قارت تۇرعىن كوز جۇمدى
بۇرناعى كۇنى ۇلىبريتانياداعى ەڭ قارت ادام قايتىس بولدى. گرەي دجونس ەسىمدى كەيۋانا قاريالارعا ارنالعان ينتەرنات-ۇيىندە 113 جاسىندا جارىق دۇنيەمەن قوشتاستى. ول ءبىر ايدان ءسال استام ۋاقىتتان سوڭ ءوزىنىڭ 114 جىلدىعىن اتاپ ءوتۋى ءتيىس بولاتىن.
گ.دجونس 1899 جىلدىڭ 7 جەلتوقسانىندا لوندوننىڭ وڭتۇستىگىندەگى بەرموندسي اۋدانىندا دۇنيەگە كەلىپتى. ول ءومىرىنىڭ نەگىزگى بولىگىن سوندا تىگىنشى بولىپ جۇمىس ىستەي ءجۇرىپ وتكىزگەن. زەينەتكەرلىككە شامامەن وسىدان 50 جىل بۇرىن شىقسا كەرەك. س.دجونستىڭ اتتاستىرىپ قويعان جىگىتى ءبىرىنشى دۇنيەجۇزىلىك سوعىس كەزىندە قازا تاۋىپتى. سودان سوڭ ول تۇرمىسقا شىقپاي, اناسىمەن, باۋىرىمەن جانە سىڭلىسىمەن بىرگە تۇرعان. ولاردىڭ ءبارى وزىنە دەيىن قايتىس بولىپتى. كەيۋانانىڭ ولىمىنە وسىدان بىرنەشە اپتا بۇرىن قۇلاپ قالۋى دا سەبەپ بولعان سەكىلدى.
قىسقا قايىرىپ ايتقاندا:
*كەشەگى وتكەن لوندون ساۋدا بيرجاسىندا رەسەيدىڭ «تينكوفف كرەديتتىك جۇيەسى» بانكىنىڭ قۇندى قاعازدارىنىڭ باعاسى شامامەن 39 پايىزعا قۇلدىراپ, 9 دوللارعا دەيىن ءتۇسىپ كەتكەن.
* پولشانىڭ يانكۋۆ-پشيگودسكي دەرەۆنياسىندا گاز قۇبىرى جارىلىپ, وقيعا سالدارىنان 2 ادام قازا تاپسا, كەم دەگەندە 13 ادام ءتۇرلى دەڭگەيدە دەنە جاراقاتىن العان. جارىلىس گاز قۇبىرىنىڭ توزىعى جەتكەندىگىنەن بولعان.
* بۇكىلالەمدىك بوكس قاۋىمداستىعىنىڭ (ببق) نۇسقاسى بويىنشا الەمنىڭ ۋاقىتشا چەمپيونى, كۋبالىق يۋريوركيس گامبوا ۇيدە زورلىق-زومبىلىق كورسەتتى دەپ ايىپتالىپ, قاماۋعا الىندى. جانجال ونىڭ بۇرىنعى زايىبىمەن ۇرىس-كەرىس سالدارىنان شىققان.
* كەشە تايلاندتا ارالارىندا رەسەيلىك جولاۋشىلارى بار تۋريستىك اۆتوبۋس اپاتقا ۇشىرادى. اپات سالدارىنان 12 رەسەيلىك جاراقات العان. اۆتوبۋستا بارلىعى 51 تۋريست بولسا, ولاردىڭ قانشاسى رەسەيلىك ەكەنى بەلگىسىز.
ينتەرنەت ماتەريالدارى نەگىزىندە ازىرلەندى.