وبلىس اكىمى قانات بوزىمباەۆ كەمتار بالالاردى قامقورىنا العان وتباسىندا بولىپ, ولاردىڭ تۇرمىس-تىرشىلىگىمەن تانىستى. مۇنداي وتباسىلاردى بيلىك وكىلدەرى «پاتروناتتار» دەپ ءجۇر. ال بۇل ءسوز, نەگىزىنەن, لاتىن تىلىندەگى patronus, ياعني ورىسشا «پوكروۆيتەل», قازاقشا «قامقورشى» دەگەن ۇعىمدى بىلدىرەتىنىن دە ەسكەرىپ قويعان دۇرىس بولار.
وبلىس اكىمى قانات بوزىمباەۆ كەمتار بالالاردى قامقورىنا العان وتباسىندا بولىپ, ولاردىڭ تۇرمىس-تىرشىلىگىمەن تانىستى. مۇنداي وتباسىلاردى بيلىك وكىلدەرى «پاتروناتتار» دەپ ءجۇر. ال بۇل ءسوز, نەگىزىنەن, لاتىن تىلىندەگى patronus, ياعني ورىسشا «پوكروۆيتەل», قازاقشا «قامقورشى» دەگەن ۇعىمدى بىلدىرەتىنىن دە ەسكەرىپ قويعان دۇرىس بولار.
وبلىس باسشىسىنىڭ اتالمىش وتباسىنا ارنايى اتباسىن بۇراتىنىنداي دا بار, ويتكەنى, جۇرەگى جىلى ءزۇلفيا تولەنوۆا بۇگىندە انا مەيىرىمىن قاجەت ەتەتىن 9 بالانى باۋىرىنا باسىپ, تاربيەلىپ وتىر. ولاردىڭ اراسىنداعى مۇمكىندىگى شەكتەۋلى 3 بالانى پاتروناتتىق تاربيەگە 2010 جىلى, ال 4 بالانى ودان كەيىنگى جىلى الىپتى. سونداي-اق, بۇل وتباسىندا اتا-اناسىنىڭ قامقورلىعىنسىز قالعان تاعى ءبىر بەيكۇنا ءبۇلدىرشىن امان-ەسەن ءوسىپ كەلەدى. ءزۇلفيا, شىن مانىندە, جۇرەگى جىلى, قولى كەڭ انا. ويتكەنى, ونداي جانعا قاي بالانىڭ دا بوتەندىگى جوق.
بيىل دەمەۋشىلەر ءزۇلفيانىڭ «بالالارىنا» 180 شارشى مەترلىك جاڭا ءۇي سالىپ بەردى. ونىڭ اۋلاسى دا زامان تالابىنا ساي اباتتاندىرىلعان. جىل باسىندا سۋ جاڭا «نەكسيا» اۆتوكولىگىنە دە يە بولعانى بار. وبلىس اكىمىنىڭ ايتۋىنشا, قازىر وبلىستا پاتروناتتىق وتباسىلار مەن وتباسىلىق تيپتەگى بالالار ۇيلەرىنە كومەك كورسەتۋ باعدارلاماسى دايارلانىپ جاتىر.
– مەملەكەت كورسەتىپ جاتقان كومەكتەن بولەك, ءبىز وسىنداي پاتروناتتىق وتباسىلار مەن وتباسىلىق تيپتەگى بالالار ۇيلەرىنە بيۋدجەتتەن تىس قاراجات ارقىلى تۇرعىن ءۇي ماسەلەلەرىن شەشۋگە كومەك بەرەمىز, – دەيدى قانات الدابەرگەن ۇلى. – قازىرگى ۋاقىتتا مەنىڭ تاپسىرمام بويىنشا وسىنداي وتباسىلار مەن ولارعا كەرەكتى كومەكتىڭ ءتىزىمى دايىندالۋدا. ءبىرىنشى كەزەكتە تۇرعىن ءۇي ماسەلەسىن شەشەمىز. ەگەر وسىنداي وتباسىندا 6 بالاعا دەيىن تاربيەلەنسە جانە ولار قالادا تۇرسا, ولار ءۇشىن 4 بولمەلى پاتەر ساتىلىپ الىنادى. ال وتباسىندا 6 بالادان كوپ بولسا, جەكە ءۇي تۇرعىزىپ بەرىلەدى. بۇل شارالار تەگىن ۇيىمداستىرىلادى جانە ول ۇيلەردى 5 جىلدان سوڭ ءوز مەنشىكتەرىنە راسىمدەپ الۋلارىنا بولادى. مىنە, ءبىز جاقىن ارادا وسىنداي 10 پاتروناتتىق وتباسىنىڭ ماسەلەسىن شەشۋدى جوسپارلاپ وتىرمىز.
بۇگىندە وبلىستاعى 94 پاتروناتتىق وتباسىندا 130 بالا قامقورلىققا الىنسا, 2 مەملەكەتتىك بالالار ۇيىندە 271 جەتكىنشەك تاربيەلەنۋدە.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.