ديقاندار جاڭا تەحنيكالارمەن جاراقتانۋدا

تاياۋدا وبلىسقا "كيروۆەتس" تراكتورلارىنىڭ جاڭا پارتياسى كەلدى. ءبىر ايتا كەتەرلىگى, "تەح اگرو-اتباسار" تەحنيكالاردى تاسىمالداۋ سەرىكتەستىگى پەتەربۋرگ تراكتور زاۋىتىنىڭ وڭىردەگى جالعىز رەسمي وكىلى. سەرىكتەستىك قىزمەتكەرلەرىنىڭ ايتۋلارىنا قاراعاندا, سوڭعى جىلدارى وبلىسقا اتالمىش تراكتوردىڭ 11 ءتۇرلى مودەلىنىڭ 180-ءى جەتكىزىلگەن. زاماناۋي "كيروۆەتس ك-7م" تراكتورلارى قوستاناي تراكتور زاۋىتىندا بيىلعى جىلدان باستاپ شىعارىلا باستادى. وسى تراكتورلاردى پايدالانىپ كورگەن اۋىل شارۋاشىلىعى ماماندارى جاڭا تەحنيكانىڭ ءبىرشاما ارتىقشىلىقتارى بار ەكەندىگىن ايتىپ وتىر.

–2015 جىلى وسىنداي تراكتورلار بىزگە دە جەتتى. جۇمىسقا ءتوزىمدى, قۋاتى مول, – دەيدى "شۋيسكوە ءححى" سەرىكتەستىگىنىڭ باس ينجەنەرى ۆيكتور كرىموۆ, – بۇرىنعى تەحنيكالارعا قاراعاندا, ونىمدىلىگى ءبىر جارىم ەسەگە جۋىق. ءجۇرىسى وتە جايلى. مەحانيزاتورلار بىردەن ۇيرەنىپ الدى. قىستا قار تازالاۋعا, كەز-كەلگەن جۇكتى تاسىمالداۋعا ابدەن جاراپ تۇر.

بۇگىنگى تاڭدا جاڭا تەحنيكالاردىڭ وڭ سيپاتتاعى ارتىقشىلىعى كوپتەگەن شارۋاشىلىقتاردى قىزىقتىرۋدا. ءبىر جاقسىسى, تراكتور مەن ونىڭ بولشەكتەرىن ساتىپ العاننان كەيىن بەلگىلى ءبىر ۋاقىتقا كەپىلدىك بەرىلىپ, سەرۆيستىك قىزمەت كورسەتىلەدى. وسى تەحنيكانى تىزگىندەگەن مەحانيزاتورلاردىڭ ايتۋىنا قاراعاندا, تاۋلىگىنە 120 گەكتارعا دەيىن جەر جىرتۋ مۇمكىندىگى بار.

نار تاۋەكەلدى قاجەت ەتەتىن وڭىردە كوكتەمگى ەگىس پەن كۇزگى ەگىن وراعىن ۋاقىتىلى اياقتاۋ ءۇشىن تەحنيكاڭ ساقاداي ساي بولۋى كەرەك.  ەگىننىڭ شىعىمى دا اگروتەحنيكالىق شارالاردى مەرزىمىندە ورىنداۋعا تىكەلەي تاۋەلدى. مىنە وسىنداي ۋاقىتتىڭ تار كەزىندە قۋاتتى تەحنيكاعا نە جەتسىن؟!

اقمولا وبلىسى