جەر شارىنىڭ ءار تۇكپىرىنەن الىنعان بەس قالامەن بىرگە الماتى دا 2022 جىلعى قىسقى وليمپيالىق ويىنداردى وتكىزۋگە ۇمىتكەرلەر قاتارىنا ەنگىزىلدى.
حالىقارالىق وليمپيالىق كوميتەت بۇل تالاستا ءبىزدىڭ وڭتۇستىك استاناعا بەيجىڭ (قىتاي), كراكوۆ (پولشا), لۆوۆ (ۋكراينا), وسلو (نورۆەگيا) جانە ستوكگولم (شۆەتسيا) قالالارىن باسەكەلەس ەتىپ بەكىتىپ بەردى. بۇلاردىڭ اراسىنداعى ەڭ سوڭعى ۇسىنىس 14 قاراشا كۇنى كەلىپ ءتۇستى.
جەر شارىنىڭ ءار تۇكپىرىنەن الىنعان بەس قالامەن بىرگە الماتى دا 2022 جىلعى قىسقى وليمپيالىق ويىنداردى وتكىزۋگە ۇمىتكەرلەر قاتارىنا ەنگىزىلدى.
حالىقارالىق وليمپيالىق كوميتەت بۇل تالاستا ءبىزدىڭ وڭتۇستىك استاناعا بەيجىڭ (قىتاي), كراكوۆ (پولشا), لۆوۆ (ۋكراينا), وسلو (نورۆەگيا) جانە ستوكگولم (شۆەتسيا) قالالارىن باسەكەلەس ەتىپ بەكىتىپ بەردى. بۇلاردىڭ اراسىنداعى ەڭ سوڭعى ۇسىنىس 14 قاراشا كۇنى كەلىپ ءتۇستى.
ەندى, وسى ۇمىتكەر قالالاردىڭ وكىلدەرى حالىقارالىق وليمپيالىق كوميتەتتىڭ 4-6 جەلتوقسان كۇندەرى شۆەيتساريانىڭ لوزاننا قالاسىندا وتەتىن سەمينارىنا قاتىسادى. وعان, سونداي-اق, 2014 جىلى سوچيدە وتەتىن قىسقى وليمپيالىق ويىنداردىڭ باقىلاۋشىلارى دا بارادى. مۇندا قالالار وكىلدەرى وزدەرىنىڭ جاي-جاعدايلارىن بايانداپ بەرەدى.
ۇمىتكەرلەر ءتىزىمى 2014 جىلعى 8-9 شىلدەدە ءبىرشاما قىسقارادى. ولاردىڭ اراسىندا بۇدان ءارى باقتارىن سىناۋعا كىمدەردىڭ جىبەرىلەتىنىن جانە قانشا قالانىڭ قالاتىنىن وليمپيالىق كوميتەت شەشەدى. ال 2022 جىلعى وليمپيادانىڭ يەسىن انىقتاۋ حالىقارالىق وليمپيالىق كوميتەتتىڭ 2015 جىلعى 31 ءشىلدەدە مالايزيانىڭ استاناسى كۋالا-لۋمپۋر قالاسىندا بولاتىن 127-سەسسياسى كەزىندە داۋىس بەرۋ جولىمەن جۇرگىزىلەدى.
ايتا كەتەيىك, 2014 جىلعى قىسقى وليمپيالىق ويىندار رەسەيدىڭ سوچي قالاسىندا وتكەلى تۇرسا, 2018 جىلعى ويىندار وڭتۇستىك كورەيانىڭ پحەنچحان شاھارىندا جالاۋ كوتەرەتىن بولادى.
دامير قوجامقۇل.