جازانى قاتاڭداتۋ قادامدارى وڭ ناتيجەسىن بەرەدى دەپ كۇتىلۋدە
امبەباپ پوليتسەيلەر پاترۋلدىك جانە جول پوليتسياسى ءبولىنىستەرىنىڭ بىرىگۋى ءناتيجەسىندە قۇرىلدى. بۇدان بۇرىن حابارلانعانىنداي, ۇكىمەت قاۋلىسىنا سايكەس اكىمشىلىك پوليتسيا كوميتەتى جول پوليتسياسى كوميتەتىن قوسۋ ارقىلى قايتا قۇرىلدى. اۋماقتىق ىشكى ىستەر ورگاندارىندا وسىعان ۇقساس اكىمشىلىك پوليتسيا باسقارمالارى, اۋداندىق بۋىندا ءتيىستى بولىمدەر (بولىمشەلەر), سونداي-اق جول-پاترۋلدىك پوليتسياسىنىڭ ساپتىق بولىنىستەرى جاساقتالدى. ەلىمىزدىڭ ىشكى ىستەر ورگاندارىنىڭ جول-پاترۋلدىك پوليتسياسى ساپتىق بولىنىستەرىنىڭ ۇلگى قۇرىلىمدارى مەن شتاتتارى بەكىتىلدى.
جازانى قاتاڭداتۋ قادامدارى وڭ ناتيجەسىن بەرەدى دەپ كۇتىلۋدە
امبەباپ پوليتسەيلەر پاترۋلدىك جانە جول پوليتسياسى ءبولىنىستەرىنىڭ بىرىگۋى ءناتيجەسىندە قۇرىلدى. بۇدان بۇرىن حابارلانعانىنداي, ۇكىمەت قاۋلىسىنا سايكەس اكىمشىلىك پوليتسيا كوميتەتى جول پوليتسياسى كوميتەتىن قوسۋ ارقىلى قايتا قۇرىلدى. اۋماقتىق ىشكى ىستەر ورگاندارىندا وسىعان ۇقساس اكىمشىلىك پوليتسيا باسقارمالارى, اۋداندىق بۋىندا ءتيىستى بولىمدەر (بولىمشەلەر), سونداي-اق جول-پاترۋلدىك پوليتسياسىنىڭ ساپتىق بولىنىستەرى جاساقتالدى. ەلىمىزدىڭ ىشكى ىستەر ورگاندارىنىڭ جول-پاترۋلدىك پوليتسياسى ساپتىق بولىنىستەرىنىڭ ۇلگى قۇرىلىمدارى مەن شتاتتارى بەكىتىلدى.
امبەباپ پوليتسەيلەردى باسقالاردان ايىرۋ ماقساتىندا ءبىز جاڭا كەۋدە جەتوندارىن, سونداي-اق نىساندىق كيىمگە تىگىلەتىن شەۆروندار ازىرلەدىك. كەلەسى جىلدان باستاپ نىساندىق كيىم-كەشەكتى دە وزگەرتۋدى, ياعني بۇگىنگى كۇنى بارلىق جەردە پايدالانىلاتىن كيتەل مەن جازعى باس كيىمدى پايدالانباي, ىڭعايلى جەڭىل كيىم كيۋدى جوسپارلاپ وتىرمىز.
مەملەكەتتىك ستاندارتقا ءسايكەس ارنايى اۆتوماشينالارعا قولدانىستاعى «جول پوليتسياسى» جانە «پاترۋلدىك پوليتسيا» سوزدەرى «جول-پاترۋلدىك پوليتسياسى» سوزدەرىنە اۋىستىرىلىپ, تۇستiك-گرافيكالىق سحەمالار, ايىرۋ جازۋلارى جازىلدى, سونداي-اق ولار ارنايى جارىق جانە دىبىستىق بەلگىلەرمەن جابدىقتالدى.
سونىمەن قاتار, ءىىم قازاقستاننىڭ تەڭگە سارايىمەن بىرلەسىپ, جول-پاترۋلدىك پوليتسياسىنىڭ ءاربىر قىزمەتكەرىنە بەرىلەتىن جانە ءوڭىردىڭ رەتتىك نومىرىنەن جانە ءۇش تسيفردان تۇراتىن جەكە كودتى قامتيتىن جاڭا كەۋدە بەلگىسىنىڭ ديزاينىن دايىندادى.
مۇنداي رەفورما جول قاۋىپسىزدىگى جاعدايى مەن قوعامدىق ءتارتىپتى قورعاۋدا وڭ ناتيجەسىن بەرۋى ءتيىس دەپ ۇمىتتەنەمىز. ويتكەنى, ەلىمىزدە اپاتتىلىق جاعدايى كۇردەلى كۇيىندە قالىپ وتىر. مەملەكەت باسشىسى نۇرسۇلتان نازارباەۆتىڭ 2013 جىلعى 11 قازاندا وتكەن ۇكىمەتتىڭ كەڭەيتىلگەن وتىرىسىندا جكو-لار سالدارىنان قازا تاپقان ادامداردىڭ سانى وسۋىنە بايلانىستى الاڭداۋشىلىعىن بىلدىرگەنى ءمالىم.
جولدارداعى احۋالدى جاقسارتۋ ماقساتىندا قازىرگى ۋاقىتتا ءبىرقاتار ۇيىمداستىرۋشىلىق جانە تاجىريبەلىك شارالار قابىلدانۋدا. ماسەلەن, جولدارداعى باقىلاۋ كۇشەيتىلدى. 21-27 قازان ارالىعىندا «قاۋىپسىز جول» اۋقىمدى پروفيلاكتيكالىق ءىس-شاراسى وتكىزىلدى, وعان اكىمشىلىك پوليتسيا ءبولىنىستەرىنىڭ ەڭ كوپ كۇشى مەن قۇرالدارى تارتىلدى.
پروفيلاكتيكالىق ءىس-شارا وتكىزۋ كەزەڭىندە 54 378 ەرەجە بۇزۋشىلىق انىقتالىپ, بىرقاتارىنىڭ جولى كەسىلدى. ونىڭ ءىشىندە كولىك قۇرالىن الكوگولدى ءىشىمدىك ءىشىپ الىپ باسقارۋدىڭ – 1 307, جۇرگىزۋشى كۋالىگىنسىز باسقارۋدىڭ – 563, باسقارۋ قۇقىعىنان ايىرىلعان ادامداردىڭ كولىك قۇرالىن باسقارۋدىڭ –214, جىلدامدىقتى اسىرۋدىڭ – 10 705, جولاقتىڭ قارسى بەتىنە شىعىپ كەتۋدىڭ – 1 488, قاۋىپسىزدىك بەلبەۋلەرىن تاقپاۋدىڭ – 7 869, كولىك قۇرالدارىنىڭ تەرەزەلەرىن قاراڭعىلاۋدىڭ – 625, كولىك قۇرالىن باسقارۋ كەزىندە تەلەفون پايدالانۋدىڭ – 3 768, مىندەتتى تەحنيكالىق تەكسەرۋسىز ءجۇرۋدىڭ – 2 071 فاكتىسى تىركەلدى. سونداي-اق, جاياۋ جۇرگىنشىلەر جىبەرگەن 4 055 ەرەجە بۇزۋشىلىق انىقتالدى.
جول ءجۇرىسىن تەحنيكالىق باقىلاۋ قۇرالدارى ەنگىزىلۋدە. بۇگىنگى كۇنى ستاتسيونارلىق اۆتوماتتى تىركەۋ جۇيەلەرى ءاربىر ءىرى قالادا (16 قالا): جولدىڭ جىلدام ءجۇرۋ ۋچاسكەلەرىندە, جولدىڭ كورىنىس شەكتەلگەن بولىكتەرىندە جانە ءىرى جول قيىلىستارىندا ورناتىلعان. ۇستىمىزدەگى جىلى ولاردىڭ كومەگىمەن 715 000 جول ءجۇرۋ ەرەجەلەرىن بۇزۋ انىقتالسا, 5 ملرد. تەڭگەنىڭ ايىپپ ۇلى سالىندى (2,2 ملرد. تەڭگە ءوندىرىلدى).
اۆتوموبيل جولدارىنىڭ جاعدايىنا باقىلاۋ كۇشەيتىلدى. وسى ماقساتتا اۆتوجولداردى تەكسەرۋ ۇنەمى جۇرگىزىلەتىن بولدى. تەك ۇستىمىزدەگى جىلى عانا جولداردى قاناعاتتانعىسىز ۇستاعاندىق ءۇشىن شامامەن 9 مىڭ ۇيعارىم بەرىلىپ, 1,5 مىڭ لاۋازىمدى تۇلعا جاۋاپكەرشىلىككە تارتىلدى. جاعدايدى دۇرىستاۋ ءۇشىن «جول ءجۇرىسى تۋرالى» جاڭا زاڭ جوباسى ازىرلەنىپ, وعان ىلەسپە زاڭ جوباسىنىڭ شەڭبەرىندە جول قوزعالىسى ەرەجەلەرىن بۇزعانى ءۇشىن جاۋاپكەرشىلىكتى قاتاڭداتۋ شارالارى كوزدەلىپ وتىر.
قازىرگى ۋاقىتتا ايىپپۇل كوزدەلگەن قۇقىق بۇزۋشىلىقتاردىڭ بارلىق قۇرامدارى بويىنشا ءۇشىنشى قۇقىق بۇزۋشىلىق جاساعانى ءۇشىن (اكىمشىلىك جازا قولدانىلعاننان كەيىن ءبىر جىل ىشىندە) كولىكتى باسقارۋ قۇقىعىنان 6 اي مەرزىمگە ايىرۋ سانكتسياسى ەنگىزىلەدى. مىسالى, اۆتوكولىكتى باسقارۋ كەزىندە ۇيالى تەلەفونمەن سويلەسىپ ءۇش رەت ۇستالعان جۇرگىزۋشىلەر جارتى جىلعا كولىكتى باسقارۋ قۇقىعىنان ايىرىلاتىن بولادى.
قىلمىس كودەكسىنىڭ جوباسىندا كولىك قۇرالىن ماساڭ كۇيدە باسقارعانى ءۇشىن جۇرگىزۋشىگە بەس ءجۇز ايلىق ەسەپتىك كورسەتكىش مولشەرىندەگى ايىپپۇل, نە وسى مولشەردەگى تۇزەتۋ جۇمىستارى, نە ءۇش ءجۇز ساعاتقا دەيىنگى مەرزىمگە قوعامدىق جۇمىستارعا تارتۋ, نە ەكى جىل مەرزىمگە بەلگىلى لاۋازىمداردى اتقارۋ نەمەسە بەلگىلى قىزمەتپەن اينالىسۋ قۇقىعىنان ايىرۋ نە التى ايعا دەيىنگى مەرزىمگە قاماۋ تۇرىندەگى جازا قاراستىرىلعان.
ەرلان تۇرعىمباەۆ,
ىشكى ىستەر ءمينيسترىنىڭ ورىنباسارى.