قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ حالىقتى ءدارى-دارمەكتەرمەن جانە مەديتسينالىق بۇيىمدارمەن قامتاماسىز ەتۋ تۋرالى باياندادى.
ب. اتامقۇلوۆ اتاپ وتكەندەي, 9 ايدىڭ قورىتىندىسى بويىنشا فارماتسەۆتيكا ونەركاسىبىندەگى ءوندىرىس كولەمى 39,8% ءوستى.
ء"وسىم "سك-فارماتسيا" بىرىڭعاي ديستريبيۋتورى ارقىلى تەگىن مەديتسينالىق كومەكتىڭ كەپىلدەندىرىلگەن كولەمى شەڭبەرىندە دارىلىك زاتتار مەن مەديتسينالىق بۇيىمداردى جەتكىزۋدىڭ ۇلعايۋىمەن قامتاماسىز ەتىلدى», — دەدى مينيستر. ەلىمىزدىڭ فارماتسەۆتيكا ونەركاسىبىندە دارىلىك زاتتار مەن مەديتسينالىق بۇيىمداردى ءوندىرۋدى 96 كاسىپورىن جۇزەگە اسىرادى. بۇگىندە وتاندىق تاۋار وندىرۋشىلەر دارىلىك زاتتار مەن مەديتسينالىق بۇيىمداردىڭ 5 042 مىڭ اتاۋىنا 88 ۇزاق مەرزىمدى شارت جاسادى. وتاندىق كاسىپورىندار تاۋلىك سايىن 900 مىڭ ماسكا شىعارۋدا. قويمالاردا 18 ملن ماسكا بار. بۇل رەتتە, كاسىپورىنداردىڭ ءوندىرىس قۋاتتىلىعى تاۋلىگىنە 1,2 ملن داناعا دەيىن مەديتسينا ماسكاسىن شىعارۋعا مۇمكىندىك بەرەدى. كۇن سايىن 330 مىڭ جۇپ پەرچاتكا شىعارىلادى. قويمالاردا 7 ملن اسا جۇپ پەرچاتكا بار. اعىمداعى جىلدىڭ قاراشا ايىندا ونىڭ قۋاتتىلىعى تاۋلىگىنە 530 مىڭ جۇپقا دەيىن ۇلعايتىلاتىن بولادى. بۇگىندە 6 وتاندىق كومپانيا ايىنا 504 مىڭ قورعانىس كوستيۋمىن شىعارادى. جىل سوڭىنا دەيىن ونىڭ قۋاتتىلىعى 1 ملن دەيىن ارتتىرىلاتىن بولادى. «ىندەتتىڭ ەكىنشى تولقىنى جاعدايىندا فارماتسەۆتيكا سالاسىنىڭ كاسىپورىندارى دارىلىك زاتتاردىڭ قاجەتتى كولەمىن قامتاماسىز ەتۋگە دايىن", — دەدى ب. اتامقۇلوۆ.