اشم ۆەتەريناريالىق جانە فيتوسانيتاريالىق قاۋىپسىزدىكتى قامتاماسىز ەتەدى

ۆەتەريناريا قىزمەتىنىڭ الدىنا قويىلعان نەگىزگى مىندەتتەر ۆەتەريناريالىق-سانيتاريالىق سالاماتتىلىقتى قامتاماسىز ەتۋ, حالىقتىڭ دەنساۋلىعىن ادام مەن جانۋارلاردىڭ جالپى اۋرۋلارىنان قورعاۋ, اۋماقتى جۇقپالى جانە ەكزوتيكالىق اۋرۋلاردىڭ تارالۋىنان قورعاۋ, جانۋارلاردان الىناتىن ءونىم مەن شيكىزاتتىڭ قاۋىپسىزدىگىن قامتاماسىز ەتۋ بولىپ تابىلادى.

وسىعان بايلانىستى اعىمداعى جىلدىڭ باسىنان بەرى زاڭنامالىق دەڭگەيدە قابىلدانعان نورمالار ىسكە اسىرىلىپ جاتىر. اتاپ ايتقاندا, "ورتالىق-اۋدان-اۋىل" قاعيداتى بويىنشا جوعارىدان تومەن قاراي ۆەتەريناريالىق باقىلاۋ, "وبلىس-اۋدان-اۋىل" قاعيداتى بويىنشا جوعارىدان تومەن قاراي ۆەتەريناريالىق  قىزمەت قۇرىلدى. وڭىرلەندىرۋگە, ايماقتاندىرۋعا جانە كومپارتمەنتتەۋگە قويىلاتىن بىرىڭعاي تالاپتار بەلگىلەندى, مەملەكەتتىك شەكارانىڭ بۇكىل پەريمەترى بويىنشا تۇراقتى ۆەتەريناريالىق باقىلاۋ, كاسىپورىنداردىڭ ينسپەكتسيالارىنىڭ بيۋدجەت ەسەبىنەن قارجىلاندىرىلۋى  جۇرگىزىلۋدە, بۇل قازاقستاندىق ءونىمدى ەكسپورتتاۋعا قول جەتكىزۋگە مۇمكىندىك بەرەدى. 

ۆەتەريناريالىق قاۋىپسىزدىكتى قامتاماسىز ەتۋ ماقساتىندا جوسپارلى پروفيلاكتيكالىق ءىس-شارالاردان تۇراتىن ۆەتەريناريالىق ءىس-شارالار جۇرگىزىلۋدە. اعىمداعى جىلعى 9 ايدا عانا جانۋارلار مەن قۇستاردىڭ اسا قاۋىپتى اۋرۋلارىنا قارسى 122,2 ملن مانيپۋلياتسيا جۇرگىزىلدى, بۇل 9 ايداعى جوسپاردىڭ 100,9%-ىن قۇرايدى. ۆاكتسينالاۋ جۇرگىزۋ ءۇشىن 7,1 ملرد تەڭگە سوماسىنا 148,2 ملن دوزا ۆاكتسينا ساتىپ الىندى.  بۇل رەتتە, ۆەتەريناريالىق پرەپاراتتىڭ شامامەن 60%-ى - وتاندىق وندىرىستىكى.          

رەسپۋبليكامىزدىڭ اۋماعىنا  تارالۋى ۇلكەن قاۋىپ ءتوندىرىپ تۇرعان اسا قاۋىپتى اۋرۋلار تىزبەسىنە 68 اۋرۋ ءتۇرى ەنگىزىلدى, ولاردىڭ 45 ءتۇرى بويىنشا قازاقستاندا ەپيزووتيالىق احۋال سالاماتتى, 23 ءتۇرى بويىنشا دياگنوستيكالاۋ جانە ۆاكتسينالاۋ بويىنشا ارنايى ۆەتەريناريالىق-پروفيلاكتيكالىق ءىس-شارالار جۇرگىزىلىپ جاتىر.