كوروناۆيرۋس ىندەتىنىڭ تارالۋىنا جول بەرمەۋ جونىندەگى جەدەل شتاب وتىرىسىن وتكىزگەن ايماق باسشىسى ارحيمەد مۇحامبەتوۆ قوستاناي وبلىسىندا 20 قازاننان باستاپ شەكتەۋ شارالارى ەنگىزىلەتىنىن ءمالىم ەتتى, دەپ حابارلايدى Egemen.kz.
وڭىرلىك جەدەل شتاب جيىنىندا كارانتيندىك شارالاردى كۇشەيتۋ تۋرالى بىرقاتار شەشىم قابىلداندى. سونىمەن سەيسەنبىدەن باستاپ قوعامدىق تاماقتانۋ نىساندارىنا ساعات 23:00-گە دەيىن عانا جۇمىس ىستەۋگە رۇقسات ەتىلەدى. اسحانالار مەن كافە, مەيرامحانالاردا بىرگە تاماقتانۋشىلاردىڭ سانى 30-دان اسپاۋى ءتيىس. سونداي-اق اشىق اتتراكتسيونداردىڭ جۇمىسى ۋاقىتشا توقتاتىلا تۇرادى. بۇل شەكتەۋ تۇرلەرى كۇندەلىكتى تالاپ ەتىلەتىن بولادى.
جەدەل شتاب شەشىمىمەن دەمالىس كۇندەرىنە دە شەكتەۋ كۇشەيتىلدى. سەنبى-جەكسەنبى كۇندەرى:
- وبلىس اۋماعىندا قوعامدىق كولىك قوزعالىسىنا تىيىم سالىندى;
- اۋدانى 2000 شارشى مەتردەن اساتىن ساۋدا نىساندارىنىڭ, ازىق-ت ۇلىك سۋپەرماركەتتەرى مەن ساۋدا-ويىن-ساۋىق ورتالىقتارىنىڭ جۇمىسى توقتاتىلادى, بىراق اتالعان نىساندارداعى ءدارىحانالار جابىلمايدى.
- ازىق-ت ۇلىكتىك ەمەس جانە جابىق ازىق-ت ۇلىك بازارلارىنىڭ جۇمىسى توقتاتىلادى;
- ازىق-ت ۇلىككە جاتپايتىن تاۋارلار ساتاتىن نىسانداردىڭ جۇمىس رەجىمى ساعات 10:00-دەن 20:00-گە دەيىن شەكتەلەدى;
- فيتنەس-ورتالىقتار مەن سپورتتىق-ساۋىقتىرۋ ورتالىقتارىنىڭ جۇمىسى توقتايدى;
- قوعامدىق مونشالار مەن ساۋنالار جۇمىس ىستەمەيدى.
وبلىس اكىمى ءباسپاسوز قىزمەتىنىڭ مالىمەتىنشە, بۇگىنگى تاڭدا قوستاناي وبلىسىنداعى ەپيدەميالىق جاعداي تۇراقتى. ىندەت باستالعالى ايماقتا COVID-19 جۇقتىرعان 3 538 ناۋقاستىڭ 3 198-ى, ياعني 90,4%-ى ەمدەلىپ شىققان.
قوستاناي وبلىسى