كەشە ەلوردادا «بىرلىك» ساياسي پارتياسىنىڭ ۇيىمداستىرۋىمەن مادەنيەت, ادەبيەت الەمىندەگى ۇزدىك شىققان جاس قالامگەرلەر مەن دراماتۋرگتەردى قولداۋ ماقساتىندا «تاۋەلسىزدىك تانىتقان تالانتتار» اتتى جاس تالانتتاردىڭ رەسپۋبليكالىق فەستيۆالى ءوتتى.
كەشە ەلوردادا «بىرلىك» ساياسي پارتياسىنىڭ ۇيىمداستىرۋىمەن مادەنيەت, ادەبيەت الەمىندەگى ۇزدىك شىققان جاس قالامگەرلەر مەن دراماتۋرگتەردى قولداۋ ماقساتىندا «تاۋەلسىزدىك تانىتقان تالانتتار» اتتى جاس تالانتتاردىڭ رەسپۋبليكالىق فەستيۆالى ءوتتى.
شارانى قىسقاشا ءسوز سويلەپ اشقان «بىرلىك» ساياسي پارتياسىنىڭ توراعاسى سەرىك سۇلتانعالي بىلاي دەدى: «بۇگىنگى فەستيۆالىمىزدىڭ جەڭىمپازدارىنىڭ شىعارماشىلىق جانە كاسىبي جەتىستىكتەرىنە قاراپ وتىرساڭىزدار حالىقتىڭ التىن قازىناسى ىسپەتتى. وسكەلەڭ ۇرپاققا ۇلگى ەتۋگە تۇرارلىق جاستاردىڭ تالانتى قانداي دا بولسىن قۇرمەتكە لايىق. جاستاردىڭ شىعارماشىلىق, كاسىبي باستامالارىن قولداۋ – «بىرلىك» ساياسي پارتياسىنىڭ باسىم باعىتتارىنىڭ ءبىرى. جاس قازاقستاندىقتاردىڭ تابىستى ەڭبەك ەتىپ, جاقسى ءبىلىم الۋىنا الەۋمەتتىك كەپىلدىكتەر قاراستىرىلۋى كەرەك».
«ادەبيەت», «سۋرەت ونەرى», «ءداستۇرلى ونەر», «ءداستۇرلى قازاق اندەرىن ورىنداۋشى», «ەرەكشە دارىن يەسى», «قولدانبالى ونەر شەبەرى», «ماماندىعىم – ماقتانىشىم» دەپ اتالاتىن جەتى نوميناتسيا بويىنشا سىنعا ءتۇسىپ, جەڭىسكە جەتكەن جيىرمادان استام جاس دارىن «بىرلىك» پارتياسىنىڭ ارنايى جۇلدەسىمەن جانە باعالى سىيلىقتارمەن ماراپاتتالدى.
فەستيۆال سوڭىندا پارتيا توراعاسى س.سۇلتانعالي ەلىمىزدىڭ اتالمىش شارانىڭ ءالى دە جالعاسا بەرەتىندىگىن ايتتى.
«ەگەمەن-اقپارات».