اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ 1 كۋرس ستۋدەنتتەرىن «وتكەننىڭ ونەگەسى – بۇگىنگىنىڭ بايلىعى» اتتى ستۋدەنتتەر قاتارىنا قابىلداۋ راسىمىنە ارنالعان سالتاناتتى جيىندا قاسيەتتى قارا شاڭىراقتىڭ 70 جىلدىق مەرەيتويىنىڭ الاۋى رەسمي تۇردە جاعىلدى.
اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ 1 كۋرس ستۋدەنتتەرىن «وتكەننىڭ ونەگەسى – بۇگىنگىنىڭ بايلىعى» اتتى ستۋدەنتتەر قاتارىنا قابىلداۋ راسىمىنە ارنالعان سالتاناتتى جيىندا قاسيەتتى قارا شاڭىراقتىڭ 70 جىلدىق مەرەيتويىنىڭ الاۋى رەسمي تۇردە جاعىلدى.
سالتاناتتى شاراۋ نيۆەرسيتەت الاۋىن الىپ جۇگىرگەن ەستافەتالىق مارافوننىڭ قىزىقتى ساتتەرى سۋرەتتەلگەن بەينە بايان قويىلىمىن تاماشالاۋمەن باستالدى. اتالمىش مەرەيتويلىق الاۋ وتكەن ايدىڭ 23 جۇلدىزىندا وقۋ ورداسىنىڭ ارداگەر ۇستازدارى مەن باسشىلىعى, سونداي-اق, ەل نامىسىن ايتۋلى حالىقارالىق جارىستاردا ابىرويمەن قورعاعان ەرماحان ىبىرايىم, مايا مانەزا سەكىلدى وليمپيادا چەمپيوندارىنىڭ قولىنان ءوتىپ, قىزدار ۋنيۆەرسيتەتى قالاشىعىن تولىق شارلاپ, باس وقۋ عيماراتىنا جەتكىزىلگەن بولاتىن. وسى كۇنگە دەيىن قارا شاڭىراقتىڭ قابىرعاسىندا ساقتالىپ كەلگەن مەرەيتويلىق الاۋ – قىزدار ۋنيۆەرسيتەتى 70 جىلدىق مەرەيتويىنىڭ تۇساۋكەسەرلىك سيمۆولى رەتىندە ەرەكشە مارتەبەگە يە بولعان ەدى.
ءفيلمنىڭ سالتاناتتى قويىلىمىنان سوڭ قىزدار ۋنيۆەرسيتەتىنىڭ رەكتورى دينار نوكەتاەۆا باس عيماراتتا ساقتالعان الاۋدىڭ تامىزىعىمەن ساحنا تورىندەگى اسەم گۇلدەرمەن كومكەرىلگەن ۇلكەن وشاقتىڭ وتىن تۇتاتتى. بۇل ايەل جانىنىڭ, قىز-عۇمىردىڭ تابيعاتىنان حابار بەرەتىن وزىندىك مازمۇنى كەمەل جاراسىم مەن ۇرپاق جالعاستىعى ىسپەتتى جوعارى وقۋ عيماراتىنىڭ تابالدىرىعىن جاڭا اتتاعان ستۋدەنتتەردىڭ بويىنا ەرەكشە جالىنىمەن اسەر ەتتى.
جيىلعان كوپشىلىك الدىندا ءسوز باستاعان دينار نوكەتاەۆا: «قىزدار ۋنيۆەرسيتەتى – قاراكوز قىزدارعا ءبىلىم مەن ءداستۇرلى ءتاربيەنى قاتار بەرىپ وتىرعان پاراسات مەكتەبى. وسى مەرزىم ىشىندە كيەلى وقۋ ورنى 50 مىڭنان استام ماماندار دايىنداپ, مەكتەپ مۇعالىمىنەن باستاپ قوعام قايراتكەرىنە دەيىن تانىمال تۇلەكتەرىن تاربيەلەپ شىعاردى. بۇل ءبىلىم ۇياسىنان ۇشقان ءاربىر تۇلەك قوعامدا ءوز ورنىن تابا بىلەتىن بىلىكتى دە كاسىبي مامان دەپ زور سەنىممەن ايتا الامىن», – دەپ ساپقا جاڭا قوسىلعان شاكىرتتەردى «مەن – قىزدار ۋنيۆەرسيتەتىنىڭ ستۋدەنتىمىن!» دەگەن اتقا لايىق بولۋعا شاقىردى.
قيالدارىن قاناتتارىنا بايلاپ, ارماندارىن ارقالاپ كەلگەن ءبىرىنشى كۋرس ستۋدەنتتەرىنە يگى تىلەگىن بىلدىرگەن وقۋ ورنىنىڭ باسشىسى ءبىلىم كىلتىن ءى كۋرس ستۋدەنتى اقساۋلە امانتاەۆاعا تابىس ەتتى. ال, ستۋدەنتتىك بيلەت دوسبول ايداعا تابىستالسا, سىناق كىتاپشاسى كوكەن لاززاتقا تاپسىرىلدى. كەش بارىسىندا سونىمەن قاتار, 1 كۋرس ستۋدەنتتەرىنىڭ انت قابىلداۋ ءراسىمى بولىپ ءوتتى.
سالتاناتتى جيىن سوڭى كونتسەرتتىك باعدارلاماعا ۇلاسىپ, قازىرگى تاڭدا ءوز ونەرلەرىمەن تانىمال بولىپ كەلە جاتقان «ايگۇل», «ۇلار» انسامبلدەرى, «توميريس» بي ءانسامبلى, 85 انشىدەن قۇرالعان ۋنيۆەرسيتەتتىڭ حور ۇجىمى مەن 50 ونەرپازدان تۇراتىن ۇلت-اسپاپتار وركەسترىنىڭ شىعارمالارىمەن ءورىلىپ, قازاق ەستراداسى جۇلدىزدارىنىڭ قاتىسۋىمەن ونەر كەشىنە ۇلاستى.
قانات ەسكەندىر,
«ەگەمەن قازاقستان».
الماتى.