بۇگىن ەلىمىزدە رۋحاني كەلىسىم كۇنى اتالىپ وتۋدە. بۇل مەرەكە قالا تۇرعىندارىن ۇلتى مەن دىنىنە قاراماستان بىرىكتىرۋگە, قوعامداعى تۇراقتىلىق مەن كەلىسمىدى ساقتۋعا جانە ودان ءارى دامىتۋعا باعىتتالعان, دەپ حابارلايدى Egemen.kz.
بۇگىن الماتى قالاسى اكىمىنىڭ ورىنباسارى ەرجان باباقۇماروۆ قالالىق ءدىني بىرلەستىكتەر كوشباسشىلارى كلۋبىنىڭ مۇشەلەرىمەن كەزدەسۋ وتكىزدى. اتالعان شاراعا قازاقستان مۇسىلماندارى ءدىني باسقارماسىنىڭ, ورىس پراۆوسلاۆتىق شىركەۋىنىڭ, ريمدىك-كاتوليكتىك شىركەۋىنىڭ, ەۆانگەلشىل-حريستيان باپتيستتەردىڭ وكىلدەرى جانە ت.ب. قاتىستى.
كەزدەسۋ بارىسىندا رۋحاني كەلىسىم سالاسىنداعى ءوزارا بايلانىس, تولەرانتتىلىق پەن ءداستۇرلى قۇندىلىقتار ماسەلەسى, سونداي-اق دەسترۋكتيۆتى ءدىني يدەولوگيانىڭ تارالۋىنا جول بەرمەۋ ماقساتىندا تۇرعىندارمەن كەرى بايلانىستى كۇشەيتۋ ماسەلەلەرى تالقىلاندى. سونىمەن قاتار, ءالى قاۋپى سەيلمەگەن پاندەميا كەزىندەگى حالىقتىڭ اۋىزبىرشىلىكتە بولۋىنا جەكە توقتالىپ ءوتتى.
ءوز كەزەگىندە, كلۋب مۇشەلەرى رۋحاني كەلىسىم كۇنىنىڭ ەرەكشە ماڭىزدىلىعىن اتاپ وتە وتىرىپ, ءدىني بىرلەستىكتەردىڭ بۇدان ءارى جۇمىسىنا بايلانىستى ءوز ۇسىنىستارىن جەتكىزدى.اتاپ ايتقاندا, قالانىڭ باس يمامى ەركىنبەك شوقاي, ۆوزنەسەندىك كافەدرالدىق سوبوردىڭ كليۋچارى الەكساندر سۋۆوروۆ جانە الماتىداعى قاسيەتتى ۇشتىك ەپارحياسىنىڭ باس ۆيكاريى بەدنارسكي يان بوگۋميل قاتىسۋشىلاردى مەرەكەمەن قۇتتىقتاپ, بىرقاتار ۇسىنىستارىن ءبىلدىردى.
شارا بارىسىندا ەرجان باباقۇماروۆ قالانىڭ قوعامدىق ومىرىنە بەلسەنە ارالاسقان كلۋبتىڭ بىرقاتار مۇشەلەرىنە ۇتتىقاي وتىرىپ, قالا اكىمى باقىتجان ساعىنتاەۆتىڭ اتىنان العىس حاتتار تابىستادى.