«قازاقستان» رترك» اق-ىنا قاراستى «Classic» راديوسىنىڭ «كلاسسيكومانيا» اتتى راديوباعدارلاماسى لوندونداعى حالىقارالىق تەلەراديو حابار تاراتۋشىلار اسسوتسياتسياسىنىڭ جوعارى باعاسىنا يە بولدى.
«قازاقستان» رترك» اق-ىنا قاراستى «Classic» راديوسىنىڭ «كلاسسيكومانيا» اتتى راديوباعدارلاماسى لوندونداعى حالىقارالىق تەلەراديو حابار تاراتۋشىلار اسسوتسياتسياسىنىڭ جوعارى باعاسىنا يە بولدى.
حالىقارالىق تەلەراديوتاراتۋشىلار اسسوتسياتسياسىنىڭ «AIBs Inspiring Creativity Awards» بايقاۋى 9 جىل بويى وتكىزىلىپ كەلەدى. جىل سايىن بۇل ماراپات حالىقارالىق تەلەراديوكومپانيالاردىڭ باعدارلامالارى مەن تەحنولوگياسىن جانە دارىندى ماماندار اراسىنان ۇزدىكتەردى انىقتايدى. قازىلار القاسىنىڭ قۇرامى – الەمدىك باق-تىڭ بىلىكتى ماماندارى. ولار جوبالاردى تاۋەلسىز تۇردە باعالاپ, ساراپتايدى.
بيىل بايقاۋعا BBC, CNN, NHK, Bloomberg Television, Deutche Welle, Eurosport, Russia Today, ABC Australia, Radio Taiwan International, France 24, SRF Swiss Radio and TV جانە ت.ب حالىقارالىق مەديا-كورپوراتسيالاردىڭ باعدارلامالارى قاتىستى. جوبالار «ۇزدىك دەرەكتى فيلم», «ۇزدىك جۋرناليستىك تەكسەرۋ», «ۇزدىك بالالار تەلەحابارى», «وزەكتى ماسەلەلەر تۋرالى ۇزدىك رەپورتاج», «ءۇزدىك حالىقارالىق رەپورتاج», «تەلەۆيزيا جانە راديوداعى جىل تۇلعاسى» جانە ت.ب. اتالىمدار بويىنشا سارالاندى.
«قازاقستان» رترك» اق «Classic» راديوسىنىڭ «كلاسسيكومانيا» باعدارلاماسى «ۇزدىك شىعارماشىلىق راديوباعدارلاما» اتالىمى بويىنشا ارنايى ديپلوممەن ماراپاتتالدى. بۇل راديوجوبادا ءتۇرلى ماماندىق يەلەرى – ىسكەرلەر, ساياحاتشىلار, زاڭگەرلەر مەن رەجيسسەرلەر كلاسسيكالىق مۋزىكانىڭ ءمان-ماڭىزى تۋرالى سىر شەرتەدى. حالىقارالىق ساراپشىلار قاۋىمداستىعى «كلاسسيكومانيانى» ويىن-ساۋىقتىق قانا ەمەس, سونىمەن قاتار, ءبىلىم بەرەتىن ەرەكشە باعدارلاما رەتىندە اتاپ ءوتتى.
«قازاقستان» رترك» اق باسقارما توراعاسى نۇرجان مۇحامەدجانوۆا:
– ءبىزدىڭ كورپوراتسيا حالىقارالىق ىنتىماقتاستىقتى دامىتۋ جانە الەمدىك اقپاراتتىق كەڭىستىكپەن ىقپالداستىق ماسەلەلەرىنە ايرىقشا نازار اۋدارىپ كەلەدى. بۇگىنگى تاڭدا ءبىز بىرقاتار ستراتەگيالىق كەلىسىمدەر جاساپ, «اريرانگ» (وڭتۇستىك كورەيا) تەلەراديوكورپوراتسياسى, «CCTV» قىتاي حابار تاراتۋ كورپوراتسياسى, «BBC World News», پروديۋسەرلەر مەن رەجيسسەرلەردىڭ كورەي ءبىلىم بەرۋ ينستيتۋتى, سينگاپۋردىڭ مەديا اكادەمياسى سىندى الەمدىك ءىرى مەديا-كورپوراتسيالارىمەن ءوزارا ىنتىماقتاستىق كەلىسىم شارتقا قول قويدىق. سونىمەن قاتار, وسى جىلى حالىقارالىق تەلەراديوتاراتۋشىلار اسسوتسياتسياسى (AIB) مەن حابار تاراتۋدى دامىتۋدىڭ ازيا-تىنىقمۇحيتتىق ينستيتۋتىنىڭ (AIBD) مۇشەسى اتاندىق. لوندونداعى حالىقارالىق بايقاۋدا ارنايى ديپلوم الۋىمىز كورپوراتسيا جەتىستىكتەرىنىڭ حالىقارالىق دەڭگەيدە جوعارى باعاعا يە بولعاندىعىن كورسەتەدى, – دەپ اتاپ ءوتتى.
شتاب-پاتەرى ۇلىبريتانيادا ورنالاسقان حالىقارالىق تەلەراديوتاراتۋشىلار اسسوتسياتسياسى (AIB) 1993 جىلدان باستاپ كوممەرتسيالىق ەمەس ۇيىم رەتىندە قۇرىلعان. بەدەلدى حالىقارالىق ۇيىم BBC World, Al-Jazeera, Bloomberg, Eurosport, France 24, Russia Today, Deutsche Welle سىندى 50-دەن اسا ءىرى حالىقارالىق جانە ۇلتتىق تەلەراديوتاراتۋشىلاردى جانە باسقا دا بەلگىلى جانە بەدەلدى حالىقارالىق باق-تاردى بىرىكتىرەدى.
تاناكوز تولقىنقىزى,
«قازاقستان» اق» رەسپۋبليكالىق تەلەراديو كەشەنىنىڭ ءباسپاسوز حاتشىسى.