ا.س.پۋشكين اتىنداعى شىعىس قازاقستان وبلىستىق جانە ل.ن.تولستوي اتىنداعى قوستاناي وبلىستىق كىتاپحانالارى اراسىندا تۇڭعىش رەت ادەبي تەلەكوپىر وتكىزىلدى. تەلەكوپىرگە كىتاپحاناشىلار, اقىن-جازۋشىلار, فيلولوگيا, جۋرناليستيكا فاكۋلتەتتەرىنىڭ ستۋدەنتتەرى, ۇستازدارى قاتىستى.
ا.س.پۋشكين اتىنداعى شىعىس قازاقستان وبلىستىق جانە ل.ن.تولستوي اتىنداعى قوستاناي وبلىستىق كىتاپحانالارى اراسىندا تۇڭعىش رەت ادەبي تەلەكوپىر وتكىزىلدى. تەلەكوپىرگە كىتاپحاناشىلار, اقىن-جازۋشىلار, فيلولوگيا, جۋرناليستيكا فاكۋلتەتتەرىنىڭ ستۋدەنتتەرى, ۇستازدارى قاتىستى.
ءوزىنىڭ قايتالانباس كوركىمەن, تاماشا تابيعاتىمەن تالايدى تامساندىرعان شىرايلى شىعىس قوستاناي وڭىرىنە تالانتتى اقىن-جازۋشىلارىن تانىستىرىپ, قوستانايلىق قالامگەرلەردىڭ لەبىزىن تىڭدادى. كەزدەسۋ بارىسىندا ەكى جاق – وسكەمەندىك «شابىت», قوستانايلىق «تازا بۇلاق» اقىندار مەكتەبىنىڭ مۇشەلەرى ادەبيەت پەن مادەنيەت ءماسەلەلەرىن ءسوز ەتتى. پىكىر الماسۋعا شىعىس قازاقستان وبلىسى جاعىنان «ەگەمەن قازاقستان» گازەتىنىڭ ءوڭىردەگى مەنشىكتى ءتىلشىسى, ءبىرنەشە كىتاپتىڭ اۆتورى وڭداسىن ەلۋباي, اقىن قازاقستان جازۋشىلار وداعىنىڭ ءمۇشەسى باقىتجان رايىسوۆا, رەسپۋبليكالىق, وبلىستىق جىر ءمۇشايرالارىنىڭ بىرنەشە دۇركىن ءجۇلدەگەرى جاس اقىن قىزىقبەك ءدۇرگەنباي, شقمۋ ستۋدەنتى, قازان ايىندا الماتىدا وتكەن ونەر فەستيۆالىنىڭ 2-ورىن يەگەرى, جاس اقىن جاندوس امانجول ۇلى قاتىستى.
وڭداسىن ەلۋباي وسكەمەندە قازاقستان جازۋشىلار وداعىنىڭ فيليالى بار ەكەنىن, وبلىس اكىمى ب.ساپارباەۆتىڭ باستاماسىمەن 200 تومدىق «التاي» كىتاپحاناسى جوباسى بويىنشا قازىردىڭ وزىندە جيىرماعا تارتا قالامگەرلەردىڭ شىعارمالارى جارىق كورگەنىن, «وتىكەن» جۋرنالىنىڭ 2 مىڭ دانامەن رەسپۋبليكاعا تاراپ جاتقانىن تىلگە تيەك ەتىپ, وڭىرىندەگى اقىن-جازۋشىلار, ولاردىڭ ادەبي ورتاسى, كىتاپ شىعارۋ ت.ب.اتقارىلىپ جاتقان ءىس-شارالارعا توقتالدى. سوناۋ 80-جىلدارى وزىنە اعالىق قامقورلىقپەن اقجول تىلەگەن قوستانايلىق اقىن عافۋ قايىربەكوۆتى ەرەكشە سەزىممەن ەسكە العان اقىن باقىتجان رايىسوۆا ءوزىنىڭ جەرلەسى ورالحان بوكەيگە ارناعان ولەڭىن وقىدى. جاس اقىندار قىزىربەك پەن جاندوس وزدەرىن تانىستىرا كەلە جىردان شاشۋ شاشتى.
تەلەكوپىردە قوناقتار جاعىنان ءسوز العان ل.تولستوي اتىنداعى كىتاپحانا ديرەكتورى گ.قازينا ادەبي بەينەكوپىردىڭ ماقساتى – ەكى وڭىردەگى شىعارماشىلىق ىستەرگە سەرپىن بەرۋدى, قارىم-قاتىناستى كۇشەيتىپ, تاجىريبە الماسۋدى كوزدەيتىنىن ايتتى. قوستاناي مەملەكەتتىك ۋنيۆەرسيتەتىنىڭ دەكانى ك.ەسىركەپوۆا وقۋ ورىندارىنداعى جاستارعا قولداۋ كورسەتۋ قاجەتتىگىن ايتتى. قوستانايلىق اقىن-جازۋشىلار سەرىكباي وسپانوۆ, ايتىسكەر-اقىن ءالفيا ورمانشينا, اقىن سالتانات وتەلباەۆا ت.ب. وزدەرى جايلى ايتا كەلىپ, قوستانايداعى ادەبي ورتا تۋرالى ءسوز قوزعادى. ديالوگ ءتۇرىندە وتكەن كەزدەسۋ ەشكىمدى بەيجاي قالدىرمادى.
جانسايا اشكەنوۆا,
ا.س.پۋشكين اتىنداعى وبلىستىق
كىتاپحانانىڭ باس كىتاپحاناشىسى.
وسكەمەن.