بۇل باعىتتا ماماندار دايارلاۋ – وزىندىك ءمانى بار ماسەلە
قازاقستانداعى ۆولونتەرلىك قىزمەت ازاماتتىق قوعامدى قۇرۋدا وزەكتى ماسەلەلەردىڭ ءبىرى بولىپ تابىلادى. الايدا, بۇگىندە وسى سالانىڭ جۇيەلەندىرۋ مەن ءىس-قيمىلداردىڭ ۇيلەسىمىن قاجەت ەتەتىنى اقيقات. كاسىپقوي ەرىكتىلەردى دايىنداۋ دا وتاندىق ۆولونتەرلىك قوزعالىستى نىعايتۋ جولىندا ماڭىزدى قادام بولماق. «قامقور» ەرىكتىلەر قوزعالىسى شەڭبەرىندە اشىلعان رەسپۋبليكالىق مەكتەپ ءدال وسى مىندەتتى ورىنداۋعا ارنالعان. جوبانى باستاپ ءارى قولداپ وتىرعان – ءبىلىم جانە عىلىم مينيسترلىگىنىڭ جاستار ءىسى كوميتەتى. ال ۇيىمداستىرۋ تاراپىنان «سامۇرىق» دامۋ ورتالىعى» قوعامدىق جاستار قورى جاۋاپتى بولىپ وتىر.
بۇل باعىتتا ماماندار دايارلاۋ – وزىندىك ءمانى بار ماسەلە
قازاقستانداعى ۆولونتەرلىك قىزمەت ازاماتتىق قوعامدى قۇرۋدا وزەكتى ماسەلەلەردىڭ ءبىرى بولىپ تابىلادى. الايدا, بۇگىندە وسى سالانىڭ جۇيەلەندىرۋ مەن ءىس-قيمىلداردىڭ ۇيلەسىمىن قاجەت ەتەتىنى اقيقات. كاسىپقوي ەرىكتىلەردى دايىنداۋ دا وتاندىق ۆولونتەرلىك قوزعالىستى نىعايتۋ جولىندا ماڭىزدى قادام بولماق. «قامقور» ەرىكتىلەر قوزعالىسى شەڭبەرىندە اشىلعان رەسپۋبليكالىق مەكتەپ ءدال وسى مىندەتتى ورىنداۋعا ارنالعان. جوبانى باستاپ ءارى قولداپ وتىرعان – ءبىلىم جانە عىلىم مينيسترلىگىنىڭ جاستار ءىسى كوميتەتى. ال ۇيىمداستىرۋ تاراپىنان «سامۇرىق» دامۋ ورتالىعى» قوعامدىق جاستار قورى جاۋاپتى بولىپ وتىر.
تاياۋدا استانا قالاسىندا «جاستار اراسىندا «قامقور» ەرىكتىلەر قوزعالىسىن دامىتۋ» دەگەن تاقىرىپتا سەمينار-ترەنينگ بولىپ ءوتتى. وعان ەلىمىزدىڭ تۇكپىر-تۇكپىرىنەن كەلگەن ءارتۇرلى الەۋمەتتىك باعىتتاعى جوبالارمەن اينالىساتىن, ۇيلەستىرۋشى, پسيحولوگ, قور جەتەكشىسى جانە ەرىكتى بولىپ قىزمەت اتقاراتىن 30 ادام قاتىستى.
وقىتۋ مىناداي باعىتتار بويىنشا جۇرگىزىلدى: ەرىكتىلەرمەن قارىم-قاتىناس; كوماندا اياسىندا جۇمىس ىستەۋ; قۇجاتتار اينالىمى; اقپارات كوزدەرىمەن جۇمىس جۇرگىزۋ; مەملەكەتتىك ورگاندارمەن, بيزنەس پەن ۇكىمەتتىك ەمەس ۇيىمدارمەن بىرلەسىپ قىزمەت اتقارۋ; فاندرايزينگ; جوبالاردى ازىرلەۋ جانە باسقارۋ; زياتكەرلىك كارتالاردى قولدانۋ. ءاربىر قاتىسۋشىنىڭ قولىنا سەمينارعا ارنالعان جۇمىس جوسپارى ۇسىنىلدى. وندا تاڭعى جاتتىعۋدان باستاپ, ءتىپتى, ءۇي تاپسىرماسىنا دەيىن بارلىق ارەكەتتەر كورسەتىلگەن. جالپى, وقىتۋ ءۇردىسىنىڭ تيىمدىلىگىن كوتەرۋ ماقساتىندا تاپسىرمالار كوپتەپ بەرىلدى. وسىلايشا, ۇيىمداستىرۋشىلار كاسىبي داعدىلاردى دامىتۋعا باسا نازار اۋداردى. سەمينار بارىسىندا بولاشاق باپكەرلەر ۆولونتەرلىك قىزمەت سالاسىنداعى سان الۋان ماسەلەلەردى تالقىعا سالدى. سونىمەن قاتار, مۇگەدەكتەر, كامەلەتكە تولماعاندار, تولىق ەمەس وتباسىلار, قىلمىس جاساعاندار سەكىلدى كاتەگوريالار بويىنشا جەكە مىسالدار قاراستىرىلدى.
ساۋالناما قورىتىندىسىنا سۇيەنسەك, ۆولونتەرلەر 20% – جەتىمدەرگە, تاعى 20% – مۇگەدەكتەرگە, 17% – مادەني شارالاردى ۇيىمداستىرۋدا, 13,3% – ءبىلىم مەكەمەلەرىنە, 10% – قارت ادامدارعا كومەكتەسۋگە دايىن. ال ەسىرتكىگە تاۋەلدى جانە باسپاناسى جوق جانداردى از عانا ادام (3,3% كوپ ەمەس) قولداۋعا نيەت ءبىلدىرىپتى. سونداي-اق جاۋاپ بەرگەندەردىڭ 13%-ى كومەككە ءزارۋ ادامداردىڭ قاتارىندا ءدىني قاۋىمدار قۇرباندارى, ايەلدەر قاۋىمى, اۋىلدىق جەرلەردىڭ تۇرعىندارى, جۇمىسسىزدار مەن تۇرمىسى ناشار ازاماتتار بار دەپ كورسەتتى.
تۇيىندەي كەلە, تىڭداۋشىلاردىڭ كوپشىلىگى وسىنداي سەمينار-ترەنينگتەردىڭ كوپتەپ وتكىزىلۋىن قالايتىندارىن جەتكىزىپ, الەۋمەتتىك باعىتتاعى ماسەلەلەرمەن اينالىساتىن جاستارعا نەعۇرلىم مىقتى قولداۋدىڭ كورسەتىلەتىنىنە سەنىم ارتتى. بۇل جولعى ءىس-شارانىڭ تەگىن تۇردە وتكىزىلگەنى دە ەرەكشە مانگە يە. الداعى ۋاقىتتا مۇنداي دايارلىق جاستار اراسىندا ۆولونتەرلىك قوزعالىستىڭ كەڭىنەن ناسيحاتتالۋىنا سەپتىگىن تيگىزۋى ءتيىس. وقىتۋ ناتيجەسىندە بارلىق قاتىسۋشىلارعا سەرتيفيكاتتار تابىس ەتىلدى.
الينۇر تىلەمىس.
استانا.