سايرام اۋدانىندا بيىل مەملەكەتتىك تۇرعىن ءۇي قورىنان باسپاناعا مۇقتاج 184 جەتىم جانە اتا-اناسىنىڭ قامقورلىعىنسىز قالعان بالالاردىڭ ماسەلەسىن شەشۋ ماقساتىندا اقسۋكەنت اۋىلىنداعىكوممۋنالدىق مەنشىكتەگى بوس تۇرعان عيمارات كۇردەلى جوندەۋدەن وتكىزىلگەن بولاتىن.پايدالانۋعا بەرىلگەن پاتەرلەردىڭ كىلتىن اۋدان اكىمى ۇلاسبەك سادىبەكوۆ مۇقتاج وتباسىلارعا تابىس ەتتى.
«مەملەكەتتىك تۇرعىن ءۇي قورىنان تۇرعىن ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇي بەرۋ» باعدارلاماسى اياسىندا وتكەن جىلى جەرگىلىكتى بيۋدجەت ەسەبىنەن جوبالىق-سمەتالىق قۇجاتتارى دايىندالىپ, عيماراتتى كۇردەلى جوندەۋدەن وتكىزۋ ءۇشىن 84,0 ملن تەڭگە قاراجات قارالعان. كۇردەلى جوندەۋ قۇرىلىس جۇمىستارىن "استانا- كوكتەم س" جشس مەردىگەر مەكەمەسى جۇرگىزدى. عيماراتتاعى تۇرعىن ءۇي جايلارىمەن 17 جەتىم جانە اتا-اناسىنىڭ قامقورلىعىنسىز قالعان بالالار قامتاماسىز ەتىلەدى. سولاردىڭ ىشىنەن اۋدان اكىمى ۇلاسبەك سادىبەكوۆ 5 وتباسىعا پاتەردىڭ كىلتىن سالتاناتتى تۇردە تابىستادى.
ايتا كەتەيىك, عيماراتتىڭ جالپى الاڭى – 586,3 شارشى مەتر, ال تۇرعىن-ءۇيدىڭ الاڭى – 367,8 شارشى مەتردى قۇرايدى.
تۇركىستان وبلىسى