قازاقستان مەن رەسەي قورعانىس ۆەدومستۆو باسشىلارىنىڭ كەزدەسۋىندە قورعانىس اۋقىمىنداعى ستراتەگيالىق سەرىكتەستىك پەن ىنتىماقتاستىقتى بۇدان ءارى دامىتۋ دايارلىعى بەكىتىلدى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
بۇگىن نۇر-سۇلتاندا قازاقستاننىڭ قورعانىس ءمينيسترى نۇرلان ەرمەكباەۆ رەسەيلىك ارىپتەسى سەرگەي شويگۋمەن ەلىمىزگە كەلگەن رەسمي ساپارى بارىسىندا كەزدەستى.
قۇرىلىمدىق ديالوگ بارىسىندا ولار وڭىرلىك قاۋىپسىزدىكتى قولداۋ جانە قامتاماسىز ەتۋ جونىندە پىكىر الماستى.
تاراپتار قازاقستان مەن رەسەيدىڭ ەكىجاقتى اسكەري جانە اسكەري-تەحنيكالىق ىنتىماقتاستىقتىڭ اعىمداعى جاعدايىن تالقىلاپ, الداعى ۋاقىتتارداعى اناعۇرلىم وزەكتى باعىتتاردى ايقىندادى.
ەكى ەل اراسىنداعى قورعانىس ىنتىماقتاستىعى ءتۇرلى اۋقىمداعى جوعارى دەڭگەيدەگى ءوزارا ءىس-قيمىلمەن سيپاتتالاتىنىن اتاپ وتكەن ءجون.
قازاقستان رەسپۋبليكاسىنىڭ رەسەي فەدەراتسياسىمەن قاتىناسى باۋىرلاس ەلدەر اراسىنداعى كوپجوسپارلى ستراتەگيالىق ىنتىماقتاستىعىنىڭ ماڭىزدى باعىتتارىنىڭ ءبىرى بولىپ تابىلادى.
"ەكىجاقتى نىسانداعى ءىس-شارالارعا عانا ەمەس, سونىمەن قاتار ۇقشۇ, شىۇ, تمد سياقتى كوپجاقتى ىنتىماقتاستىق اياسىنداعى ءىس-شارالارىنا دا بەلسەندى قاتىسامىز. قورعانىس ۆەدومستۆو باسشىلارى ورىنباسارلارىنىڭ دەڭگەيىندە قۇرىلعان قورعانىس كەڭەس بەرۋ ينستيتۋتى قۇرىلىم رەتىندە قىزمەت كورسەتىپ, قول جەتكىزگەن سەنىمحاتتارىن ىسكە اسىرۋدا تۇزەتۋگە جانە باسىمدىقتارىن كورسەتۋگە مۇمكىندىك بەرەدى", – دەپ قر قورعانىس ءمينيسترى اتاپ ءوتتى.
قازاقستان مەن رەسەي وڭىرلىك قاۋىپسىزدىك مۇددەسىندە ولاردىڭ ستراتەگيالىق سەرىكتەستىكتەگى ماڭىزدىلىعىن قاراستىرا وتىرىپ, ءوزىنىڭ قورعانىس جانە اسكەري-تەحنيكالىق اۋقىمداعى بايلانىسىن تۇراقتى تۇردە جەتىلدىرەدى.
ەكىجاقتى ىنتىماقتاستىقتىڭ باستى ەلەمەنتى بىرلەسكەن جاۋىنگەرلىك دايارلىق,اسكەري-تەحنيكالىق ىنتىماقتاستىق جانە كادرلار دايارلاۋ ماسەلەلەرى بولىپ قالۋدا.
بيىل سانيترالىق-ەپيدەميولوگيالىق جاعدايلارعا بايلانىستى قازاقستاندىق اسكەريلەر "ارحو-2020" كونكۋرستارىنا تولىق قاتىسۋعا مۇمكىندىگى بولمادى. سوندا دا قازاقستاندىقتار تاراپى الداعى حالىقارالىق ارميا ويىندارىنا قاتىسۋعا قىزىعۋشىلىق تانىتىپ وتىر, سونداي-اق 2021 جىلى ۇيىمداستىرۋشى ەل رەتىندە قاتىسۋعا دايىن.
قازاقستان مەن رەسەي اراسىنداعى اسكەري-تەحنيكالىق ىنتىماقتاستىق شەڭبەرىنىڭ جوعارى دەڭگەيى بايقالدى, بۇل قارۋ-جاراق پەن اسكەري تەحنيكانى قويۋ بويىنشا بىرلەسكەن جوبالاردى تولىق جۇزەگە اسىرۋعا مۇمكىندىك بەرەدى. وتكەن جىلدارى قازاقستاننىڭ قارۋلى كۇشتەرى رەسەيدەن شىققان اۆياتسيا تەحنيكالارىن, اشقق قۇرالدارىن, اسكەري-تەڭىز كۇشتەرىنىڭ جاراقتارىن, وق-دارىلەر مەن زاپاستاردىڭ ايتارلىقتاي بىرلىگىن ساتىپ الدى.
قازاقستاننىڭ قورعانىس مينيسترلىگى جوعارى جانە جوعارى ءبىلىم العاننان كەيىن ءبىلىم الۋ باعدارلامالار بويىنشا رەسەي قورعانىس مينيسترلىگىنىڭ اسكەري وقۋ ورىندارىندا اسكەري كادرلاردى دايارلاۋعا, سونداي-اق رەسەي فەدەراتسياسى قارۋلى كۇشتەرىنىڭ مامانداندىرىلعان وقۋ-جاتتىعۋ ورتالىقتارىنىڭ بازاسىنا مامانداردى جىبەرۋگە بۇدان ءارى دە مۇددەلى.
جاڭا وقۋ جىلىندا رەسەيلىكتەر تاراپىنان قازاقستاندىق اسكەري قىزمەتشىلەردى وقىتۋعا بارىنشا كوپ كۆوتا بولىنگەنىن اتاپ وتكەن ءجون.
قازاقستاننىڭ قورعانىس ءمينيسترى رەسەيلىك ارىپتەستەرىمەن اڭگىمە بارىسىندا رەسەيلىك اسكەري دارىگەرلەردىڭ ەڭبەگىن ەرەكشە اتاپ ءوتتى. ايتا كەتسەك, اعىمداعى جىلدىڭ تامىزىندا رف قك اسكەري دارىگەرلەرىنەن قۇرالعان توپ وزدەرىنىڭ قازاقستاندىق ارىپتەستەرىنە پراكتيكالىق جانە مەتودولوگيالىق قولداۋ كورسەتتى, بۇل ۇلتتىق اسكەري مەديتسينالىق قىزمەتتە COVID-19 ۆيرۋسىمەن سىرقاتتانعان پاتسيەنتتەردى ەمدەۋدە الەمدىك وزىق تاجىريبەنى ەكشەپ, ەپيدەميولوگيالىق شارالاردىڭ كەڭ شەڭبەرىن زەردەلەۋگە مۇمكىندىك بەردى.
- اسا قاجەت بولعاندا رەسەي فەدەراتسياسى تاراتىنان كورسەتىلگەن كومەگىن جوعارى باعالايمىز. سونداي-اق قازاقستان رەسپۋبليكاسى قارۋلى كۇشتەرىنىڭ مەديتسينالىق م ۇلىكتى جەتكىزۋدە جانە اعىمداعى جىلدىڭ تامىزىندا اسكەري مەديتسينالىق بريگادالاردى جىبەرۋدە كورسەتىلگەن كومەككە العىس بىلدىرەمىن, – دەدى نۇرلان ەرمەكباەۆ.
قازاقستان مەن رەسەي قورعانىس مينيسترلەرىنىڭ كەزدەسۋ قورىتىندىسى بويىنشا قازاقستان رەسپۋبليكاسى مەن رەسەي فەدەراتسياسى اراسىنداعى اسكەري ىنتىماقتاستىق تۋرالى جاڭارتىلعان شارتقا قول قويىلدى.
اتالعان شارت كۇشىنەن ەنگەن ساتتەن باستاپ, نەگىزگى ەرەجەلەرى ىسكە اسىرىلعان, 1994 جىلى 28 ناۋرىزدا قول قويىلعان قازاقستان رەسپۋبليكاسى مەن رەسەي فەدەراتسياسى اراسىنداعى بۇرىنعى شارت كۇشىن جويادى.
وتكەن جىلدارداعى مەملەكەت ارالىق قۇجاتتاردا قاراستىرىلعانداي, اسكەري ىنتىماقتاستىقتىڭ جاڭارتىلعان شارت ەرەجەلەرىنە سايكەس كادرلاردى دايارلاۋ, قارۋ-جاراق پەن تەحنيكانى قويۋ, بىرلەسكەن ەكىجاقتى جانە كوپ جاقتى وقۋ-جاتتىعۋلارعا, اسكەرلەردى جاۋىنگەرلىك دايارلىق شارالارىنا قاتىسۋ كەڭ اۋقىمدا جۇزەگە اسىرىلادى.
جاڭارتىلعان شارت سونداي اق حالىقارالىق ۇيىمدار اياسىنداعى ءوزارا ءىس قيمىل, بىتىمگەرشىلىك قىزمەت, وڭىرلىك قاۋىپسىزدىك قاتەرلەرىنە قارسى ءىس قيمىل, مادەنيەت جانە سپورت قىزمەتتەرى ەنگىزىلگەن ءوزارا ءىس قيمىلدىڭ جاڭا باعىتتارى مەن نىساندارىمەن تولىقتىرىلدى.
ايتا كەتەيىك, شارت ەرەجەلەرىن دامىتۋدا ءۇش جىلدىق كەزەڭگە اسكەري اۋقىمداعى ستراتەگيالىق سەرىكتەستىك باعدارلاماسى ازىرلەنەدى. ول سەرىكتەس مەملەكەتتەر ۇمتىلاتىن باعىتتاردى انىقتايدى جانە بىرلەسكەن ءىس-شارالاردىڭ جىلدىق جوسپارلارىن دايارلاۋعا نەگىز بولىپ تابىلادى.
كەلىسسوزدەر ناتيجەلەرى بويىنشا, سونىمەن قوسا مىناداي ەكىجاقتى قۇجاتتارعا: قازاقستان رەسپۋبليكاسىنىڭ قورعانىس مينيسترلىگى مەن رەسەي فەدەراتسياسىنىڭ قورعانىس مينيسترلىگى اراسىندا تاماقتانۋدى ۇيىمداستىرۋ كەزىندەگى ءوزارا ەسەپ ءتارتىبى جانە 2021 جىلعا ارنالعان قازاقستان رەسپۋبليكاسى مەن رەسەي فەدەراتسياسى قورعانىس مينيسترلىكتەرى اراسىنداعى ەكىجاقتى اسكەري ىنتىماقتاستىق جوسپارى تۋرالى كەلىسىمدەرگە قول قويىلدى.