جاڭا ورتالىق ارقىلى كاسىپكەرلەر وزدەرىنە قاجەتتى قىزمەت تۇرلەرىن ء"بىر تەرەزە" قاعيداتىنا ساي الا الادى. ەندى مۇندا وبلىستىق كاسىپكەرلىك پالاتاسىنىڭ, "تاراز" الەۋمەتتىك-كاسىپكەرلىك كورپوراتسياسىنىڭ, "تاراز", "اتامەكەن" شاعىن قارجى ۇيىمدارىنىڭ, "KAZAKH INVEST" ۇلتتىق كومپانياسىنىڭ, ەكىنشى دەڭگەيلى بانك مەنەدجەرلەرى, كاسىپكەرلەردىڭ قۇقىعىن قورعاۋ بويىنشا ساراپشىلىق توپتىڭ وكىلدەرى, مەملەكەتتىك مەكەمەلەردىڭ قىزمەتكەرلەرى قىزمەت كورسەتەتىن بولادى, دەپ حابارلايدى Egemen.kz جامبىل وبلىسى اكىمىنىڭ ءباسپاسوز قىزمەتىنە سىلتەمە جاساپ.
جاڭا ورتالىقتىڭ جۇمىسىمەن وبلىس اكىمى بەردىبەك ساپارباەۆ, قر كاسىپكەرلەرىنىڭ قۇقىقتارىن قورعاۋ جونىندەگى ۋاكىل رۋستام ءجۇرسىنوۆ, وبلىس پروكۋرورى نۇرعالىم ءابدىروۆ, "اتامەكەن" ۇلتتىق كاسىپكەرلەر پالاتاسىنىڭ باسقارماسىنىڭ مۇشەسى, باسقارما توراعاسىنىڭ كەڭەسشىسى ەربول ۇستەمىروۆ تانىستى.
"پرەزيدەنت قاسىم-جومارت توكاەۆ بيزنەستىڭ دامۋىنا كەدەرگىلەردى ازايتۋ شارالارىن قولعا الۋدى تاپسىردى. ول ءۇشىن بارلىق مۇددەلى تاراپتىڭ ءوزارا جۇمىسىن ۇيلەستىرۋ كەرەك. ولار بىرلەسىپ سالاداعى بارلىق وزەكتى ماسەلەلەردى شەشىپ, قاراپايىم تۇرعىنداردى مەملەكەتتىك قولداۋ شارالارى تۋرالى اقپاراتتاندىرعانى ءجون. ءبىزدىڭ ماقساتىمىز قايتارىمسىز گرانتتار مەن شاعىن نەسيەلەر العان ازاماتتاردىڭ سانىن كوبەيتۋ بولىپ وتىر. كاسىپكەرلەردى ءوز ماسەلەلەرى جايىندا اشىق ايتۋعا شاقىرامىز.
توقسان سايىن كاسىپكەرلەردىڭ قۇقىعىن قورعاۋ بويىنشا ساراپشىلىق كەڭەستىڭ وتىرىسى وتكىزىلەدى. وندا سىزدەردىڭ ۇسىنىستارىڭىز بەن تالاپ-تىلەكتەرىڭىز قارالادى", – دەپ اتاپ ءوتتى وبلىس اكىمى بەردىبەك ساپارباەۆ.
"بيزنەسكە ارنالعان مەملەكەتتىك قىزمەتتىڭ سان ءتۇرىن ۇسىنىپ, كەڭەستەر بەرۋ, بيزنەس-جوبالاردى كاسىبي سۇيەمەلدەۋ جاڭا ورتالىق جۇمىسىنىڭ نەگىزگى باعىتىنا جاتادى",–دەيدى "تاراز" الەۋمەتتىك-كاسىپكەرلىك كورپوراتسياسىنىڭ توراعاسى ولجاس قارجاۋوۆ.
مەملەكەتتىك ورگاندار باسقا ۇيىمدارمەن بىرلەسىپ, ينۆەستيتسيا تارتۋدىڭ بىرىڭعاي مەحانيزمىن جاسايدى.
"ورتالىق عيماراتىندا كاسىپكەرلەر ءۇشىن بارلىق جاعداي جاسالعان. وزىنە-ءوزى قىزمەت كورسەتۋ ايماعى دا بيزنەسمەندەردىڭ "ەلەكتروندىق ۇكىمەت" پورتالىنداعى قىزمەتتەرگە قولجەتىمدىلىگىن قامتاماسىز ەتەدى. ۋاقىت وتە مۇندا ۇسىنىلاتىن قىزمەتتىڭ اۋقىمى دا كەڭەيە بەرەدى", – دەيدى وبلىستىق كاسىپكەرلىك پالاتاسىنىڭ ديرەكتورى سامات قوساليەۆ.
قازىر مۇنداي ورتالىق الماتى, ماڭعىستاۋ, تۇركىستان, اقتوبە وبلىستارى مەن شىمكەنت قالاسىندا جۇمىس ىستەيدى.
ءدال وسى كۇنى تاراز قالاسىنداعى "دوستىق" ۇيىندە كاسىپكەرلەردىڭ قۇقىعىن قورعاۋ بويىنشا ساراپشىلىق كەڭەستىڭ كەڭەيتىلگەن وتىرىسى ءوتتى. كەڭەس قاتىسۋشىلارى وڭىردەگى بيزنەس احۋالدى جاقسارتۋعا باعىتتالعان شارالارى مەن جەرگىلىكتى جەردە كاسىپكەرلىكتى دامىتۋعا كەدەرگى بولاتىن وزەكتى ماسەلەلەردى تالقىلادى.
باسقوسۋ بارىسىندا وبلىس اكىمى بەردىبەك ساپارباەۆ, قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل رۋستام ءجۇرسىنوۆ, وبلىس پروكۋرورى نۇرعالىم ءابدىروۆ كاسىپكەرلىك قولداۋدىڭ جول كارتاسىنا قول قويدى.