جىل سوڭىنا دەيىن 5 331 ەلدى مەكەندى ينتەرنەتپەن قامتاماسىز ەتۋ جوسپارلانىپ وتىر. بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين سەناتتا ءوتىپ جاتقان ۇكىمەت ساعاتىندا ءمالىم ەتتى, دەپ حابارلايدى Egemen.kz
"قازىرگى كەزدە ءبىرىنشى كەزەكتەگى مىندەت − حالىقتى ينتەرنەتپەن قامتۋ. بۇگىندە 6 459 ەلدى مەكەننىڭ ىشىندە 118 قالا مەن 4 558 اۋىل ءارتۇرلى تەحنولوگيالار بويىنشا ينتەرنەتپەن قامتاماسىز ەتىلگەن. جىل سوڭىنا دەيىن 5 331 ەلدى مەكەندى ينتەرنەتپەن قامتاماسىز ەتۋ جوسپارلانۋدا. تەلەكوم وپەراتورلارىمەن بىرىگىپ, ينتەرنەت جەلىسىن دامىتۋ ءۇشىن ەلىمىزدە ەكى اۋقىمدى جوبا ىسكە اسىرىلۋدا. ءبىرىنشى جوبا − بۇل مەملەكەتتىك-جەكەشەلىك ارىپتەستىك تەتىگى ارقىلى وپتيكالىق ينتەرنەتتى شالعايداعى اۋىلدارعا تارتۋ", دەدى مينيستر.
جوبا بويىنشا 2,4 ملن ادام تۇراتىن 1260-قا جۋىق اۋىلعا ينتەرنەت جەلىسى تارتىلۋدا. ەگەر 2018 جىلى 56 اۋىلعا وپتيكالىق جەلى تارتىلسا, 944 اۋىل قوسىلاتىن بولادى. بۇل جوباعا 75 ملرد تەنگەگە جۋىق ينۆەستيتسيا تارتىلدى. جوبا اياسىندا 3 700 مەملەكەتتىك ورگان مەن بيۋدجەتتىك مەكەمەلەرگە بايلانىس جەتكىزىلدى.
سونىمەن بىرگە باعدات مۋسين ەكىنشى جوبادا 250 ادامنان كوپ تۇرعىنى بار 928 اۋىلدا 3G مەن 4G بولاتىنىن جانە باسقا تەحنولوگيا بويىنشا ءموبيلدى ينتەرنەتپەن قامتۋدى كوزدەيتىنىن تىلگە تيەك ەتتى.