«راحىمجان وتارباەۆتىڭ رۋحانيات قورى» جەكە قورى جىل قورىتىندىسى رەتىندە قازىرگى ادەبيەتتەگى تالانتتى جاستاردى قولداۋ ماقساتىندا ارنايى ستيپەنديا تاعايىندادى.
قارجىلاي قورى 500 000 تەڭگەنى قۇرايتىن ستيپەندياعا پروزا جانرى بويىنشا باقىتگۇل سارمەكوۆا, پوەزيا جانرى بويىنشا ايجان تاباراكقىزى, اۋدارما جانرى بويىنشا سامعار تۇراربەك يە بولدى. ستيپەنديانتتار قازاننىڭ 19-ى كۇنى اتىراۋ قالاسىنداعى ارنايى شارادا ماراپاتتالادى. ۇيىمداستىرۋشىلاردىڭ ايتۋىنشا, راحىمجان وتارباەۆ اتىنداعى ستيپەنديا ەكى جىلدا ءبىر رەت تاعايىندالماق. جانە تەك وسى جىلى دراماتۋرگيا-تەاترتانۋ جانرى بويىنشا لايىقتى ۇمىتكەر تابىلماعاندىقتان بەرىلگەن جوق.
جىل باسىندا اتىراۋ وبلىسىنىڭ اكىمدىگىنىڭ قارجىلاندىرۋىمەن «راحىمجان وتارباەۆ. ادەبي سىن» اتتى بايقاۋ جاريالانعان ەدى. راحىمجان وتارباەۆ شىعارماشىلىعىن ناسيحاتتاۋ ءھام ادەبي سىننىڭ دامۋىنا ۇلەس قوسۋ ماقساتىندا وتكىزىلگەن بايقاۋ بۇگىندە ءوز مارەسىنە جەتتى. جەڭىمپاز ەسىمى 19 قازاندا رەسمي تۇردە جاريالانادى.
سونداي-اق شارا اياسىندا راحىمجان وتارباەۆتىڭ قوس كىتابى – بەرليندەگى «داگيەلي» باسپاسىنان ءھام باكۋدەن جارىق كوگەن «باس» رومانىنىڭ تۇساۋكەسەرى وتكىزىلمەك.
ايتا كەتەيىك, اتالعان ادەبي شارالار 19 قازان – جازۋشى راحىمجان وتارباەۆتىڭ تۋعان كۇنى اياسىندا ۇيىمداستىرىلىپ وتىر.