شىمكەنتتە "ويلى بولساڭ, وزىپ كور" اتتى زياتكەرلىك بايقاۋى باستالدى

ينتەلەكتۋالدى جارىستىڭ اشىلۋ سالتاناتىنا قاتىسقان شىمكەنت قالاسى اكىمىنىڭ ورىنباسارى ماقسۇت يساحوۆ اتالمىش جوبانىڭ ماقساتى جاستاردى زياتكەرلىك سپورت تۇرىنە باۋلۋعا باعىتتالعانىن اتاپ ءوتتى. ياعني شاحمات, توعىزقۇمالاق جانە دويبى ويىندارى ارقىلى جاستاردىڭ ويلاۋ قابىلەتىن ارتتىرىپ, سانالى ۇرپاق قالىپتاستىرۋ.  تاعى بىر  قۋانارلىق جايت, ەندى شىمكەنت قالاسىنىڭ مەكتەپتەرىندە شاحمات ونەرى ءپان رەتىندە ەنگىزىلىپ, ينتەللەكتۋالدىق ويىننىڭ ءورىسى كەڭەيەتىن بولدى.

شاھارىمىزدا وتەتىن بۇل زياتكەرلىك ويىندار جەكە باستىڭ مىنەز-قۇلقىنىڭ قالىپتاسۋىنا, ولاردىڭ ۇستامدى جانە ىزدەنىمپاز بولۋىنا, ويلاۋ قابىلەتىنىڭ ارتۋىنا ىقپال ەتۋ بولماق.

جوبا جەتەكشىسى, "ەركىن وي" گازەتىنىڭ باس رەداكتورى بالتابەك تۇيەتاەۆتىڭ ايتۋىنشا, بايقاۋدا قاتىسۋشىلار 3 توپقا بولىنەدى.  تارقاتىپ ايتار بولساق, ءى توپ – جاسوسپىرىمدەر (14 جاسقا دەيىن); ءىى توپ – ەرەسەكتەر (40 جاسقا دەيىن); ءىىى توپ – ارداگەرلەر اراسىندا ءوزارا سايىسقا تۇسپەك. 

"ويلى بولساڭ, وزىپ كور!" بايقاۋى 15 قازان كۇنى, ياعني بۇگىن شىمىلدىعىن ءتۇرىپ, جىل سوڭىنا دەيىن جالعاسادى. جالپى جۇلدە قورى – 2,5 ملن تەڭگە.