شىمكەنتتە اتا-اناسى از ۋاقىتقا تاستاپ كەتكەن بالا بەنزين ءىشىپ قويعان, دەپ حابارلايدى Egemen.kz Otyrar.KZ سايتىنا سىلتەمە جاساپ.
سونىڭ سالدارىنان بالانىڭ اۋىز قۋىسىن, وڭەشىن جانە اسقازانىن كۇيىك شالعان. ونى جەدەل جاردەم كولىگىمەن ت.ورىنباەۆا اتىنداعى قالالىق گيپەرباريكالىق وكسيگەناتسيا ورتالىعىنا جەتكىزگەن. دارىگەرلەر بۇلدىرشىنگە شۇعىل كومەك كورسەتىپ, ءسابيدىڭ ءومىرىن ساقتاپ قالدى. قازىرگى ۋاقىتتا ونىڭ جاعدايى قاناعاتتانارلىق دەيدى دارىگەرلەر.
"بالا ەمىن جالعاستىرادى. توكسيكولوگتار ونىڭ جاعدايىن باقىلاپ وتىر. تولىق قالپىنا كەلگەنگە دەيىن ورتالىقتا بولادى", دەدى گيپەرباريكالىق وكسيگەناتسيا ورتالىعىنىڭ دارىگەرى شەرزات وكتيابروۆ.
بالا قازىرگى ۋاقىتتا وزدىگىنەن تاماقتانا الادى. دارىگەرلەردىڭ ايتۋىنشا, جاعدايى جاقسارسا بىرنەشە كۇننەن كەيىن اۋرۋحانادان شىعارىلادى.