ساۋدا جانە ينتەگراتسيا ءمينيسترى باقىت سۇلتانوۆ ۇلتتىق تاۋار وتكىزۋ جۇيەسىن قۇرۋ جونىندەگى جوبانى ىسكە اسىرۋ حالىقتىڭ الەۋمەتتىك ماڭىزى بار ازىق-ت ۇلىك تاۋارلارىن ساتىپ الۋ شىعىندارىن 10-15%-عا دەيىن قىسقارتۋعا مۇمكىندىك بەرەتىنىن مالىمدەدى.
«جالپى, 24 كوتەرمە-تاراتۋ ورتالىعىنان تۇراتىن جوبانى ىسكە اسىرۋ قورىتىندىسى بويىنشا ەكونوميكالىق تيىمدىلىك 1,2 ترلن تەڭگەنى قۇرايدى. اۋىل شارۋاشىلىعى تاۋارىن وندىرۋشىلەردىڭ جەمىس-كوكونىس ءونىمىنىڭ ونىمدىلىگى جىلىنا 460 مىڭ توننا نەمەسە 23 ملرد تەڭگەگە دەيىن ۇلعايادى», دەدى ب.سۇلتانوۆ.
ساۋدا جانە ينتەگراتسيا ءمينيسترىنىڭ ايتۋىنشا, ۇتج قۇرىلعان سوڭ ەگىن شىققاننان كەيىنگى كەزەڭدە وندىرۋشىلەردىڭ شىعىندارىنىڭ قىسقارۋى شامامەن 350 مىڭ توننا كوكونىس ونىمدەرىن, جىلىنا 13,3 ملرد تەڭگە سوماسىن قۇرايدى.