ازاماتتار اعاش وتىرعىزاتىن ورىندى وزدەرى تاڭداي الادى, دەدى قالالىق جاسىل ەكونوميكا باسقارماسىنىڭ باستىعى ناتاليا ليۆينسكايا «الماتى» تەلەارناسىنداعى «Akimat Live» باعدارلاماسىنىڭ تىكەلەي ەفيرىندە, دەپ حابارلايدى Egemen.kz.
الماتىدا كۇزگى اعاش وتىرعىزۋ جالعاسۋدا. جاسىل ەكونوميكا باسقارماسى شاھارعا باق-قالا مارتەبەسىن قايتارۋ ءۇشىن الداعى ءۇش جىلدا ميلليون ءتۇپ اعاش وتىرعىزۋدىڭ جوسپارىن جاسادى. 2020 جىلى 250 مىڭ اعاش وتىرعىزۋ جوسپارلانعان.
ء«بىز وسىمدىكتەر وسپەيتىن اۋلالارعا, جولدار بويىنا, جاڭا ساياباقتارعا, جايىلمالارعا, سونداي-اق, وزەن جاعالاۋلارىن جاقسارتۋعا اعاش وتىرعىزۋدى جوسپارلاپ وتىرمىز. تۇرلەرى تۋرالى ايتاتىن بولساق, بۇل باعالى سورتتار — قاراعاي, تەرەك, قاراعاش, قايىڭ, كۇل, ۇيەڭكى, كاشتان, دولانا, الما, شيە, ورىك. بوتانيكالىق باق پەن بوتانيكا جانە فيتوينترودۋكتسيا ينستيتۋتىنىڭ عالىمدارىنان ۇسىنىستار الدىق جانە ولاردىڭ نەگىزىندە وتىرعىزۋ ماتەريالىنا قاتاڭ تالاپتار قويامىز: اعاشتاردىڭ بيىكتىگى 3 مەتردەن كەم بولماۋى كەرەك, 6-8 جاستا, تىك بولۋى كەرەك», – دەدى, ناتاليا ليۆينسكايا.
ناتاليا ليۆينسكايانىڭ ايتۋىنشا, كوشەتتەر الماتى وبلىسىنداعى جانە باسقا قالالارداعى پيتومنيكتەردەن ساتىپ الىنادى, ال قاراعايدىڭ بىرنەشە ءتۇرى رەسەيدەن اكەلىنەدى.
ء«بىز قازىر بىرنەشە پيتومنيكتەرمەن كەلىسسوزدەر جۇرگىزىپ جاتىرمىز, ولار بولاشاقتا وتىرعىزۋ ءۇشىن بىزگە كوشەت وسىرە باستايدى. مەن قاراپايىم وتىرعىزۋ دەگەن تۇسىنىكتەن الىستاعانىمىزدى اتاپ وتكىم كەلەدى, ەندى ءبىز جەتكىزۋشىلەرگە اعاشتاردى ەكى جىل كۇتۋدى مىندەتتەدىك. ءوز قاراجاتى ەسەبىنەن اعاش وتىرعىزعىسى كەلگەندەرگە, ءبىز كەم دەگەندە ءبىر جىلعا دەيىن مىندەتتى كۇتىم جاساۋى كەرەكتىگى تۋرالى كەلىسىمگە كەلدىك.
بۇل نەنى بىلدىرەدى؟ بۇل دەگەنىمىز, ولار سۋارادى, اعاشتاردىڭ قالاي وسەتىنىن باقىلايدى. ەگەر اعاش تامىر الماسا, وندا ولار ءوز ەسەبىنەن باسقاسىنا اۋىستىرادى. وتىرعىزعاننان كەيىن ءبىز مينەرالداندىرۋمەن, تىڭايتقىشتارمەن, بيووڭدەۋمەن اينالىسامىز», – دەدى الماتى قالاسى جەب باسشىسى.
ناتاليا ليۆينسكايا الماتىلىقتارعا اعاش وتىرعىزعىسى كەلەتىن ورىنداردى تاڭداۋدى ۇسىندى.
«بىزدە نيەت بىلدىرۋشىلەردىڭ بارلىعىنا بەرۋگە دايىن شاعىن كوشەت قورى بار. ەگەر قالا تۇرعىندارىنىڭ ءبىرى اۋلالارعا, الاڭدارعا, ساياباقتارعا, اللەيالارعا اعاش وتىرعىزعىسى كەلسە, وندا جاسىل ەكونوميكا باسقارماسى ولاردى كوشەتتەرمەن قامتاماسىز ەتۋگە دايىن. وتىرعىزىلعان اعاشتارعا تۇرعىنداردىڭ وزدەرى قامقورلىق جاساۋى كەرەك, ءبىز ولاردان وتىرعىزىلعاننان كەيىن ەكى جىل بويى جاعدايدى باقىلاۋعا دايىن ەكەندىكتەرىنە كەپىلدىك حات الامىز», – دەدى ول.
الماتىلىقتار ءوز باستامالارى بويىنشا وتىرعىزۋ سۇرانىستارىن Facebook جانە Instagram الەۋمەتتىك جەلىلەرىندەگى جاسىل ەكونوميكا باسقارماسىنىڭ پاراقشالارىندا قالدىرا الادى.