بيىل نۇر-سۇلتاندا "ەڭبەك" باعدارلاماسى بويىنشا 220 ادام كاسىپتىك وقىتۋعا جانە قايتا دايارلاۋعا جىبەرىلدى. ولار ارنايى ۇيىمداستىرىلعان كۋرستاردا جاڭا ءبىلىم الدى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
قىسقا مەرزىمدى كاسىپتىك وقىتۋعا ماماندىعى جوق, ەڭبەك نارىعىندا سۇرانىسى تومەن نەمەسە بىلىكتىلىگىن جوعالتقان جانە ماماندىعىن اۋىستىرعىسى كەلەتىن ازاماتتار قاتىسا الادى.
كاسىپتىك وقىتۋ ۇزاقتىعى 2020 جىلى ءۇش ايعا دەيىن جالعاسادى. باعدارلاماعا قاتىسۋشىلاردى 5556 تەڭگە كولەمىندە قارجىلىق قولداۋمەن جانە 21 787 تەڭگە كولەمىندە شاكىرتاقىمەن قامتاماسىز ەتەدى.
كاسىپتىك ءبىلىم بەرۋ كۋرستارى ەڭبەك نارىعىندا سۇرانىسقا يە ماماندىقتار بويىنشا ۇيىمداستىرىلادى. ال كادرلارعا دەگەن قاجەتتىلىك جۇمىس بەرۋشىلەردىڭ وتىنىمدەرىمەن انىقتالادى. بيىل سۇرانىسقا يە سەگىز ماماندىق: اسپاز, كونديتەر, تىگىنشى, ءپىشۋشى, شاشتاراز, كاسسير-باقىلاۋشى, ناۋبايشى, تاربيەشىنىڭ كومەكشىسى."قىسقا مەرزىمدى كاسىپتىك كۋرستارعا قاتىسىپ, تەگىن وقۋ ءۇشىن ازاماتتار تۇرعىلىقتى جەرى بويىنشا حالىقتى جۇمىسپەن قامتۋ ورتالىعىندا جۇمىسسىز رەتىندە تىركەلۋى ءتيىس. جەكە كۋالىك, وقۋ ورنىن بىتىرگەنى تۋرالى قۇجات (ورتا ءبىلىم تۋرالى اتتەستات نەمەسە جوعارى ءبىلىم تۋرالى ديپلوم) قاجەت. ەلوردالىقتار بەيبىتشىلىك, 25 ءۇي, «وركەن» ءىو ورنالاسقان “نۇر-سۇلتان قالاسى اكىمدىگىنىڭ حالىقتى جۇمىسپەن قامتۋ ورتالىعىنا” جۇگىنۋى كەرەك", - دەپ اتاپ ءوتتى جۇمىسپەن قامتۋ ورتالىعىندا.